БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Бүгінгі шығарылымда:
Украина басшысы Владимир Зеленский мен АҚШ президенті Дональд Трамп арасындағы пікірлер қайшылығынан туған ашық дау қызу талқыланып жатыр. Еуропа мемлекеттерінің билігі келіссөзді шұғыл аяқтап, ақ үйден ертерек кетуге мәжбүр болған Зеленскийді әрі қарай да қолдауға әзірміз деп мәлімдеді. Тіпті, тарихи текетірестен кейін Лондонда еуропалық көшбасшылар саммитін өткізіп үлгерді. Президент Зеленский ақ үйдегі оқиға үшін ешкімнен кешірім сұрамайтынын айтып отыр. Ал, АҚШ президентінің кейбір жақтастары Зеленский мырза отставкаға кету жайын қарастырғаны жөн деп санайды.
Украина мен АҚШ президенттері арасындағы кездесуде бірқатар келісімдер жасалуға тиіс еді. Солардың ең маңыздысы Украинаның қазба байлықтарын өндіруге қатысты болған. Яғни, Трамп Владимир Зеленский сирек металдарын қазуға рұқсат береді деп жоспарлаған. Бірақ, екіжақты келіссөз кезінде кикілжің туып, дауға ұласты. Себебі, Ақ үйге арнайы келген Зеленский «Украинаның қауіпсіздігіне кепілдік беруді» сұраған.
ДОНАЛЬД ТРАМП, АҚШ президенті:
- Алдымен келісімге келейік. Қауіпсіздік туралы қазір ойланғым келіп тұрған жоқ. Бірінші, келісім жасауымыз қажет. Біз сіздерге 350 миллиард доллар бердік. Қазір сіз қиын жағдайдасыз. Сіз «соғысты тоқтатқым келмейді» деп айта алмайсыз ғой. Біздің қару-жарақ болмаса, соғыс бірден аяқталады.
Қызу сөзталастан соң Украина басшысы Ақ үйден кетіп қалған. Ал, қыспаққа алған Трамп пен АҚШ вице-президенті Джей Ди Вэнс Зеленскийді «рахметі жоқ» деп айыптап, ұсынған нақты дәлелдеріне сенбегенін айтқан. Сәл кейін америкалық басылымдар екі ел арасындағы сирек кездесетін металдарға қатысты келісімнің күші жойылғанын жазды. Десе де, Зеленский қолдаудан құр қалған жоқ. Күн өтпей Украина президентін Ұлыбритания билігінің құрметпен қарсы алуы да соның жарқын мысалы секілді. Зеленский еуропалық көшбасшылар саммитіне қатысып, соғысты тоқтату жоспарын талқылап жатыр. Ал, Франция президенті Эммануэль Макрон Ресей мен Украина уақытша болсын бітімге келуге керек дейді. Яғни, екі ел де кемі бір ай әуе, теңіз соққылары мен энергетикалық инфрақұрылымдарға шабуылдаудан бас тартуы шарт.
ВЛАДИМИР ЗЕЛЕНСКИЙ, Украина президенті:
- Біз, әрине Американың қаншалық маңызға ие екенін түсінеміз. Әрі АҚШ-қа ұсынған әр қолдауы үшін алғысымызды айттық. Айтып та келеміз. Ол тәуелсіздігімізді сақтауға көмектескені үшін. Біздің Украинадағы тұрақтылығымыз осы серіктестеріміздің арқасы. Бізге соғыс емес, бейбітшілік керек. Ал, оның кілті – қауіпсіздік кепілдігін беру.
Еуропалық көшбасшылар саммиті барысында кездесу қатысушылары төрт негізгі қадам бойынша келісімге келіп отыр. Яғни, қақтығыс жалғасқан жағдайда Ресейге экономикалық қысым күшейтіліп, Украинаға әскери көмек көрсетіле бермек. Ал, ұзақ мерзімді бейбітшілік Украинаның егемендігі мен қауіпсіздігін қамтамасыз етуге тиіс. Бастысы, келіссөз Украинасыз өтпеуі шарт. Бұдан бөлек, еуропалық көшбасшылар елдегі тұрақтылықты сақтау үшін «ниеттестер коалициясын» құрғалы отыр.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық