გადაცემა „ლიტერატურული წახნაგები“ რუბრიკით Dichtung und Wahrheit („პოეზია და სინამდვილე“) გთავაზობთ საუბარს მსოფლიო ლიტერატურის ერთ-ერთ ყველაზე საშინელ წიგნზე, რომლის გვერდითაც საშინელებათა სერიის წიგნები საბავშვო თამაშად მოჩანს. საუბარია ებრაული წარმოშობის იტალიელი მწერლის, პრიმო ლევის ავტობიოგრაფიულ რომანზე „თუ ეს ადამიანია“, რომელიც მეორე მსოფლიო ომის მაშინელი მოვლენის, შოას ანუ ჰოლოკოსტის დღიურია, ჩაწერილი აუშვიცის (ოსვენციმის) სიკვდილის ბანაკ ბუნაში, სადაც პრიმო ლევი მოხვდა 1944 წლის დასაწყისში. პრიმო ლევი, ყმაწვილი კაცი ტურინიდან, რომელმაც ისწავლდა კლასიკურ გიმნაზიასა და ტურინის უნივერსიტეტის ქიმიის ფაკულტეტზე, ვერასოდეს წარმოიდგენდა, თუ მსოფლიოს ერთ-ერთი ყველაზე ცნობილი მწერალი გახდებოდა. რა ხდებოდა აუშვიცში, სად გადის ზღვარი ადამიანსა და ცხოველს შორის, როგორ მოხდა, რომ გოეთეს წარმომშობმა ხალხმა ის ჩაიდინა, რაც ჩაიდინა — ამაზე იქნება საუბარი გადაცემაში.