Кыргызстанда бүгүн кезексиз президенттик шайлоо жана мамлекеттик башкаруунун формасын тандоо боюнча референдум өттү. Саат сегизде добушканалар жабылып, азыр алдын ала эсептер жарыяланып жатат. Бул шайлоо кандай өттү? Анын алдын ала жыйынтыгы эмнени билдирет? Ушул жана башка суроолорду “Азаттыктын” “Эксперттер талдайт" программасында талкуулайбыз. Биздин программага вице-премьер-министр, шайлоону өткөрүү боюнча республикалык штабдын башчысы Максат Мамытканов, президенттикке талапкер Равшан Жээнбеков, Жогорку Кеңештин мурдагы депутаты Алмамбет Шыкмаматов жана саясат талдоочу Руслан Акматбек катышты.