„ზავის დადება რამდენიმე კვირაშია შესაძლებელი” - ამბობს დონალდ ტრამპი. ფრანგი კოლეგა კი მას ახსენებს, რომ მშვიდობა არც უკრაინის კაპიტულაციას უნდა ნიშნავდეს და არც ნაჩქარევ შეთანხმებას უსაფრთხოების გარანტიების გარეშე. რა დევს მოლაპარაკებათა მაგიდაზე... ევრონიუსის ექსკლუზიური ინფორმაციით, აშშ კიევს სთავაზობს ქვეყნის რესურსების ერთობლივ მენეჯმენტს, ერთი მხრივ უსაფრთხოების გარანტიების, მეორე მხრივ კი გრძელვადიანი ფინანსური დახმარების სანაცვლოდ, რომელიც ქვეყნის რეკონსტრუქციას მოემსახურება.