اخلطي الكرز مع اللحم المشوي واستمتعي ب أطيب أكلة حلبيه لحمة بكرز كباب الكرز طعم خيااال حلوو حامض
تابعوني على حسابي عالفيس والانستغرام وصفات كتيرة ومنوعة
http://www.facebook.com/1salt.and.sugar
https://www.instagram.com/mlh.wskr/
_________________________________________________________________
لحمة بكرز
منغسل الكرز ومنتظفه من العود والعجو
منخلطه عالخلاط
بطنجرة على الغاز منحط الكرز المخلوط بعد مانصفيه ومنتركه يغلي مع مقدار من السكر ملعقة كبيرة أو ملعقتين حسب الذوق وملعقة صغيرة قرفه ورشة بهار
( معروف كرز الوشنة حامض )
في حال عدم توفر الوشنة الكرز العادي بكون حلو عالدوق منركز حلاوته مع عصرة ليمونة او رشة صغيرة ملح الليمون لتصير النكهة قريبة عالاصلية وكمان رح يطلع طيب لولا انو الحمض مو من اصل الكرز
منتبل اللحمة بملح وبهار حلبي ومنعنلهازاسباخ او كرات وعلى صينية الفرن مدهونة شوي سمنة إذا اللحمة مو كتير مدهنه ومنشويها بالفرن وبعد ملتستري مناخد شوي من الدهن منزيده علي ثوص الكرز لزياده الدسم والنكهة الاطيب منطالع صينية اللحمة َمندخنهابغحمة ومنغطيها لناخد طعم الشوي متل الفيدبو ( وهالمرحلة اختباري)
ممكن نعمل اللحمة كرات ونقلبها قلي ((واصولها طبعا مشوية عالفحم ))
بعد التدخين لعشر دقايق مننزل الجنة عالصوص ومنغليها شوي مع الصلصة او مو ضروري منترك الصلصة لوحدها واللحمة فوقها
هلأ منكون مجهزين خبز مقسم مثلثات او مربعات ومرتب بصحن التقديم منزيد اللحمة فوق الخبز ومنصب الصلصة فوق اللحمة والخبز ومنغرقهم ومنزين بالبقدونس كمية منيحة وكمان منزين بالصنوبرالمحمص حسب الرغبة وبالعافية