كلمات : فهد رافع الدحيمي
اداء : يوسف فراج
جوهره نادره ماهي تقدر بالاثماني
دارها القلب وعيوني لها حراس نبها
قاتلي ساحر البسمات منظوم الثماني
لا هو اللي عتق روحي ولا هو يحنّ بها
صاحبي هز جذع القلب وتناوش قنيه
مابه الا حلالك مالوريد ايلا الوريدي
اعتنقت الهوى جبرٍ ولا بالعشق نيه
ويابس الغصن عوّد مالندى رطبٍ وريدي
مزرع البر في وادي الظهارة وانتشى ما
اعرفه بين حبّان العرب من لين حبه
لامتى يالقدم تمضي سنيني وانت شاما
وفي جنوب البلاد ديارنا واللي نحبه
ياتنومه عروس اهل الجنوب وبنت حجري
كم سحاب خطبك الود واهدى لك وكونه
ياعفا الله عن احبابي وانا ما بيح اجري
عرش قلبي بنيته بعد ما انهارت ركونه
كان شبرا في اوقات مضت قصر للاشراف
اما ذا اليوم شفته عاد للزوار قبله
قايد الريم ماريته في اسهول ٍ ولا اشراف
لايكن صابه الرامي وانا بعد ارتقب له
مبسم صاغه الرحمن كنه عقد لولي
عاسل هرجته مثل المذاق اللي نذوقه
داعج العين سدد سهمها واعمى دلولي
شل قلبي عبا شيل الصفاري من عذوقه
باهي الخد وي كن الشفق في وجنته ذاب
النظر فيه ينسي القلب ناس لايعينه
وين مني وليف خاطره سمح وهذاب
كم لي اشتاقه له والهى زمانه لايعينه
حوض ريحان من بعد الروى شفته مضامير
والا من سابق ياكم قطفت اغراز منها
لا تغرك جموح الصافنات اللي مضامير
بعد يتعب قوايمها السبق وإغراء زمنها