سر طريقة بسبوسة المحلات و ازاي تبقي مرملة زي الجاهزة بالظبط

بسبوسة الدايبة والمرملة المكونات : نص كيلو من سميد البسبوسة ما يعادل ٣ كوب ١٥٠ جرام من السمن ما يعادل نص كوب +٢ معلقة ١٤٠ جرام من الحليب ما يعادل نص كوب +٢ معلقة ١٠٠جرام من السكر ما يعادل نصف كوب واللي بيحب البسبوسة سكرها عالي شوية يحط كوب كامل ٢٠٠جرام ١٠٠جرام من عسل الجلوكوز ما يعادل ٢معلقة كبيرة رشة من الملح + ربع معلقة صغيرة من البيكنج بودر الشربات : البسبوسة الشربات بتاعها خفيف وسخن كوب وربع من السكر كوب ونص من الماء معلقة صغيرة من عصير الليمون رشة من الفانيليا لتسوية البسبوسة الفرن لازم يكون مسخن مسبقا علي درجة حرارة ١٨٠ تفضل في الفرن من ٤٠ ل٤٥ دقيقة وبعدين نشغل الشواية تاخد لون من فوق وتخرج نسقيها علي طول بالشربات . بديل عسل الجلوكوز عسل نحل او شربات تقيل البسبوسة يفضل تسيبوها تبرد حوالي ٦ ساعات او تاكلوها تاني يوم عشان القطع تكون ماسكة نفسها وتعرفو تقطعوها . الصينية اللي استخدمتها مقاس ٣٠ وممكن لو حبينها مرتفعة اكتر حطوها في صينية مقاس ٢٨ او ٢٦