لومني جنس ملامة
كان عارف بيعذر حرمان اليتامى
طبعو حنين وطيب جاب اللوم عشاما
والظن جوه قلبو مرا مرور غمامه
الناس بالسماح تقبل احتراما
والماقدر ظروفك غدرو بابتسامة
العذال حبيبي عارفين الكلام
والبسمع كلامهم يبدابو الخصام
كل زول عندو خوفو والخوف ماحرام
خوف عليك تضيع ف الدامس ظلاما
محبوبي الملاما مابتفيد مسافر
وصى على قليبي وخلي البينا عامر
فرحي انا في لقاك مهما عشت صابر
وماتملاني محنة ويبقى الحب نداما
قلبك شن بقولو خايف من بكاكا
ياكا عزيز وغالي ديمة انا في رجاكا
الايام بتكشف أسباب إدعاكا
وماني على عجالي درب الحول سلامة
الراجي الفرح لابد من يقاسي
وبي طلت عيونك اللوم لي بواسي
نار الفرقه حارة وضيق وجع الاماسي
وانت تزيد لهيبا فوق ايامي ياما
اي حبيب بيعذر عذرا دون مظنة
لون الدم ف ايدك يبقالي حنه
ماالافراح مواسم زينا بالمحنة
وخلي البسمة سرك ليكا تزيد وسامة