سليل الحرار ⚡️اسامر الليل واحب الهدو والسكون | جفران بن هضبان كلمات سعد بن شفلوت

للتواصل والاستفسارات :
الحسابات الرسمية
​
‏Official WhatsApp :
https://api.whatsapp.com/send?phone=501781755

-

شيله في الشيخ مشبب بن سعيد ال شيبان البشري

كلمات سعد بن شفلوت
اداء جفران الجفراني

-

اسامر الليل واحب الهدو والسكون
اللي مثل همس بنت تهمس شفاتها

لو تسرق الجن كل السمع وش يسرقون
النفس ماغير يجلد ذاتها ذاتها

من ضجة الناس والدنيا وريب المنون
الوحده احيان تغريني ملذاتها

مافيه حاجه على الدنيا تعبها يهون
الا ليا اتعبت نفسي عند رغباتها

ماذاق طعم الشفا من سلم حر الطعون
ولا ذخر سلة الخنجر لحزاتها

وما ادق من نظرة عيون الصقر والعيون
الا قلوب تجيب العلم دقاتها

ومافيه مثل القمر نور وطبيعه ولون
لو علقوا كل قنديله بمشكاتها

وان قمت من عزلتي ماردني الا الجنون
العزله ونفسي اخرب علاقتها

اطرب على الماقف الطيب وزين اللحون
واحمل النفس حمل فوق طااقاتها

في شان من نفعل الواجب ويستاهلون
اتليق فيها المدايح كلما جاتها

اتمون ياهاجسي علي والله تمون
الفكره اللي تجمل هاتها هاتها

حنا كبرنا على الشاشات والمكرفون
الا المواجيب مانترك منصاتها

انت تعرف وش نبي وانت تعرف من نكون
قصيدة المدح عطني خيرة ابياتها

طرف لي الندر اللي فوق كل الظنون
والعايديات خلها تلحق اماتها

الليله اللي لها فكر القريحه زبون
خذ ماتبي من دقايقها وساعتها

الا صلاة العشا ولا اتصال الحنون
هذي وهذي حذاري تقرب اوقاتها

ياسامعين الكلام وكلكم تسمعون
حبيت اقول الحقيقه وابرز اثباتها

هل تعلمون ان ابن شيبان هل تعلمون
يطمر مع اهل المراجل فوق طمراتها

مواقف مشبب بن سعيد صلب المتون
في كل قمه جبل تنشاف راياتها

من كثر ماسد فاللازم وسسدد ديون
كنه يقول الملوك اسوي سواتها

لاجا العرب فالمقام الصعب مغص البطون
قلط على الصعبه وقفل ملفاتها

مكانته عاليه وبشوت متنه حصون
لاجاه من لا ادركت فالوقت غاياتها

ناره جمر ماهي بدخان ولا دخون
وضيافته والعه للضيف لنباتها

لضيوفه يبرك ظهور الحشو فالصحون
والحيل في كل يوم تفارق اخواتها

البخل منه وورى والطيب منه ودون
وكفوفه تشيّخ الطفران مداتها

وزياد ابشركم انه مثل منتوا تبون
على طريق رسمها بوه مافاتها

حر سليل الحرار مخاويات المزون
يطلع مطاليعها ويهد هداتها

سلم على اللي عساهم كلهم يسلمون
مطنخٍ من ورى الهقوات هقواتها

((بني بشر فعلهم خلا العدا يسكتون
بتموت عدوانها ماترفع اصواتها

بشر ابن حرب ابن كعب موسعين الطعون
الترك تعرف مواقفها ودقلاتها))

حرابها تذبحه ولا يروح مغبون
هذي من ايام زرق الرمح عاداتها

ان سالمت تسلم جباه الخصم والجفون
وان حاربت تاقف الدنيا لوقفاتها