'ഉന്നതകുലജാതർ പരാമർശം; സുരേഷ് ​ഗോപി പറഞ്ഞത് പൊതുവേദികളിൽ കുറേകാലമായി ഞാൻ പറയുന്നത്' | A. Jayashankar

ഗോത്രവിഭാഗത്തിന്റെ ഉന്നമനത്തിന് ഉന്നതകുല ജാതൻ മന്ത്രിയാകണമെന്ന സുരേഷ് ​ഗോപിയുടെ വിവാദ പരാമർശത്തിൽ പ്രതികരിച്ച് അഡ്വ.എ.ജയശങ്കർ. സുരേഷ് ​ഗോപിക്ക് ഭാഷ്യയിൽ പ്രാവീണ്യം ഇല്ലാത്തതുകൊണ്ടാണ്. സിനിമയിൽ ഇം​ഗ്ലീഷിൽ ഡയലോ​ഗ് പറയുമെങ്കിലും അതെല്ലാം രഞ്ജി പണിക്കർ എഴുതികൊടുക്കുന്നതാണ്. എല്ലാവർക്കും എല്ലാ കഴിവുകളും ഉണ്ടാവില്ലല്ലോ. സുരേഷ് ​ഗോപി പറഞ്ഞ അഭിപ്രായം എത്രയോ കാലമായി കേരളത്തിലെ പൊതുവേദികളിൽ താൻ ആവർത്തിച്ചുകൊണ്ടിരിക്കുന്നതാണ്. ഇഎംഎസിന്റെ 1957ലെ മന്ത്രിസഭ മുതൽ പിണറായി സർക്കാർ വരെ പട്ടികജാതി വിഭാ​ഗത്തിൽ നിന്നുള്ള മന്ത്രിമാർക്ക് ഭരിക്കാൻ പട്ടികജാതി വകുപ്പ് മാത്രമേ കൊടുത്തിട്ടുള്ളൂ. ചാത്തൻ മാസ്റ്റർ മുതൽ കേളു വരെയുള്ള ആളുകൾക്ക് എന്തുകൊണ്ട് ആരോ​ഗ്യവകുപ്പോ വ്യവസായ വകുപ്പോ വേറെയേതെങ്കിലും വകുപ്പോ കൊടുക്കുന്നില്ല? ഇത് താൻ ചോ​ദിക്കുമ്പോൾ കേൾക്കുന്നവർക്ക് അർഥം മനസിലാവും. സുരേഷ് ​ഗോപിക്ക് രാഷ്ട്രീയം അത്ര പരിചയമില്ലാത്തതിനാലും ഞാൻ പറഞ്ഞതുപോലെ പറയാൻ അറിയാത്തത് കൊണ്ടും രഞ്ജിപണിക്കർ ഇല്ലാത്തതുകൊണ്ടും അബദ്ധം പറ്റിയതാവാമെന്നും അദ്ദേഹം പറഞ്ഞു.

പട്ടികജാതി- വർ​ഗ വിഭാ​ഗത്തിലുള്ളവർക്ക് സംവരണം ചെയ്ത സീറ്റില്ലല്ലാതെ ഈ വിഭാ​ഗത്തിൽ നിന്നുള്ള എത്രപേർ തിരഞ്ഞെടുപ്പിൽ മത്സരിച്ചിട്ടുണ്ടെന്നും ജയശങ്കർ ചോദിച്ചു. മത്സരിക്കാൻ ഒരു പാർട്ടിയും സീറ്റ് കൊടുക്കില്ലെന്നും അദ്ദേഹം കൂട്ടിച്ചേർത്തു.

Click Here to free Subscribe: https://bit.ly/mathrubhumiyt

Stay Connected with Us
Website: https://www.mathrubhumi.com/
Facebook- https://www.facebook.com/mathrubhumidotcom/
Twitter- https://twitter.com/mathrubhumi?lang=en
Instagram- https://www.instagram.com/mathrubhumidotcom/
Telegram: https://t.me/mathrubhumidotcom
Whatsapp: https://www.whatsapp.com/channel/0029Va4t1Y59xVJfh11qY12p


#ajayashankar #sureshgopi #renjipanicker