الله أقوى يانصيبي وأنا وش بيدي كل ما عدلت واحد يميل الثاني
ليتني عبدٍ لكم ملك وأنتم سيدي والثمن مابيه يا مطرق الريحاني
قيدوني يالله إنك تحل القيدي من يحل القيد ومن يرضي الزعلاني
ولعوني بالهوى من نهار العيدي عادة الأعياد تلعب على الشباني
من عثر حظه يصير القريب بعيدي والحبيب اللي أبيه يستوي قوماني
حدني على المفارق وأنا ما أريدي والجفاء والبعد شيٍ من الحرماني
والله إني يا هوى البال في تنكيدي لي ذكرتك هل دمعي على الأوجاني
كل مادش الهوى قلت له يا سيدي ما تبيع الورد يا راعي البستاني.
كلمات: فهد راشد بورسلي