👏🏻 كلمات نخبة من الشعراء 👏🏻 بمناسبة الحفل المقام وفاء وتقديرا واحتفاء لشاعر معتق العياضي

هبت ذعاذيع القصيد الي تصافق بالضمير مثل اصطفاق الموج باطراف البحور المظلمة صوت الرعود وفوحة الدلة على جال الغدير جوٍ ذعاذيعه تسوي للقصيد مقدمه الله يعين الي يحث القاف ويحث المسير مكانة اسمه تلزمه وحقوق ربعه تلزمه مايعتذر عن ماقف اصحابه صبي فيه خير الرجل ودك في لزوم الطيب يكرب محزمه عبدالكريم البدراني سلام والا مرحبا في حفل ( شاعرنا الكبير ) اللي يجملنا فعل يمناه و ابداع قلمه ولا قال ( خلوها ) مع الشعار والجمع الغفير مايفلجه في حجته حتى قضاة المحكمه اكفخ يابيرق حرب و السيف المهند والشطير وابشرلك بربعً تدف الملحمه ب الملحمه ولا تحسب انك ماغير الحرب يامعتق منير الطيب الطيب ولد عمي بدمه ولحمه سلطان الحويقل عليك يدفعنا الغلا ويقودنا سلك الحرير من طيبك ومن طيبنا / من فضل ربي وكرمه تستاهل التكريم ، والتقدير والشي الكثير على ماقدمته قبل ، واللي بعد بـ تقدمه ترهي على الميدان بالابداع منقطع النظير مثل ماترهي لابتك قبل الدول والانظمه يوم الجزيره وضعها مثل الرحى اللي يستدير يرجح بـ حرب ، الحرب فالميدان لا رز علمه مبارك بن رادعة يسولف التاريخ عن حرب الدول عبر الاثير ويقول فعل السيف ما يحتاج شرح وترجمه موثقين امجادهم بالسيف والفعل الشهير والسيف توثيقه يسد عن القلم والمرسمه مافيه حربي مايجي طيب غني والا فقير المرجله فيهم غريزة والكرم فيهم سمه واليا طلع من بينهم شاعر طلع شاعر خطير مايطلع الا الشاعر اللي يستحق الاوسمه عناد الشيباني مدارس الشعر الحقيقي بعد الأعشى مع زهير وشاعرهم ليا قال ماجتك الخطيه من فمه معالم الحق والادب فالوقت الأول والأخير الحي جعله للبقى والميت الله يرحمه لو إن للحكمه مكان تقطنه والا تسير تترجح الأرياء بهم من حجر لاواد الرمه مهما نقول بحقهم يبقى قليل من كثير في صفحه الموروث بصمتهم مثل ضلع يدمه مطلق دعيج للعز ياحرب الفخر والمجد عون المستجير تستاهلون من الثناء والمدح اجله واعظمه نظمتو الحفل الكبير وجاكم الجمع العفير ولفتو الانظار والجمهور شد الاحزمة عزالله ان المحتفى به غير والتكريم غير وعزالله ان هذا الوفاء بـ اسمه وعينه وعلمه واللي يوقف دون ربعه لو يصير اللي يصير يستاهل اللي يحتفي به كل يوم ويدعمه حزمي بن سعد توزيع ومكس ايمن مخاوي