راحت عتيبة بالمراجل زرافيل | جديد الشاعر : عبدالهادي مطلق @AbdulhadiMutlaq | اداء : فايز الشيباني

قصيدة بمناسبة زواج الشاب : فيصل فهد سويلم القثامي 11-11-2024 ١/ بديت بإسم منزل الحق تنزيل الكامل اللي كمله من كماله ٢/ غنى القثامي فوق روس الأقاذيل غربي هضاب طويق وأعلى جباله ٣/ متشطر عن الخلق والقال والقيل وأشكر جزيل المد جل جلاله ٤/ اللي وهبني أمهات التماثيل جل القصيد أم البيوت الجلالة ٥/ ثورتهن مغرب وسريتهن ليل وأحييت مشهابن قديم اشتعاله ٦/ وقامت تداحم من سطرها زعاجيل لين استوا الجندوب والحمل شاله ٧/ وجهتها قبلة وراحن محاميل من البلاغة والقيم والأصالة ٨/ تمشي على برقن ماهو بارق سهيل برقن تركّْز فالحوية مجاله ٩/ وقّااااد نوره شع من زند حلحيل من زند ابو فيصل مرب الشكاله ١٠/ ليث الوغى فالحد ماضِ الأفاعيل والنصر ف الميدان حازه وناله ١١/ كريم (ولو) يدرج على كفه النيل أفناه في درب الوفاء والجماله ١٢/ في حفل نجله ماذخرنا المحاصيل يستاهل الميقاف في كل حالة ١٣/ صميدعٍ ن ، قاضب دروب الرياجيل رمحٍ ن على أول ركزه ، الصعب هاله ١٤/ قولت "ياخالي" وقدّت بي دحاميل قاله ماهي والله باأيات قاله ١٥/ مبروك ماسويت جملة وتفصيل وعسى دروبك كل ابوها سهالة ١٦/ في حفل فيصل مرحبا بالمشاكيل وأهلا هلا باللي عناله وجاله ١٧/ يامرحبا تعداد مايدرج السيل وعداد مايبرق ويرعد خياله ١٨/ ياضيفنا تنصاك صفر المعاميل وينصاك عودٍ ن فوق عسّكر ضلاله ١٩/ اقلط على حسن النبا وخنّة الهيل وصمخ القصيد اللي تبهر دلاله ٢٠/ يامرحبا وللي لفا كل تكميل مردوف فال ومجزل الله عقاله ٢١/ هذي قدايم عند ربعي (و) مقابيل الجدّ ورثّها و وصى عياله ٢٢/ حنا بني عمار جيلٍ ن أثر جيل أهل الصخا وأهل النقا والجزالة ٢٣/ عمار ابن غشام سيلٍ على سيل عرفه زما من حد جاله لجاله ٢٤/ شريان نحيي البيد و مبرّد الحيل نجم السعد حنا منازل هلاله ٢٥/ لآد القثامي للنشاما مداهيل (ومن) كل عَدّ و بَدّ ، نكرم سباله ٢٦/ ربعي السيوف المرهفات المصاقيل اللي نهار الكون تبسل بسالة ٢٧/ مانقبل الهزلاااات ونعدل الميل ونحط من فوق الكمالة كمالة ٢٨/ المرجلة بنتٍ تباها الجماميل وكلن يسوق لها من اطيب جماله ٢٩/ ياعنك ماهَلّلّ ثعول المجاديل ألا عتيبيٍ ن مردّدّ خواله ٣٠/ لطامة ( العِيّال ) ذباحة الحيل في كل جيل تسود نفس السلالة ٣١/ راحت عتيبة بالمراجل زرافيل قبيلةٍ ن صكت على كل طالة ٣٢/ ولا أحط فالاجواد يالربع تقليل ادخل على الله من كلام الجهالة ٣٣/ كل القبايل ماعلاها مداخيل تشهد لنا حتى نهار النزاله ٣٤/ وتشهد لنا الفطر وتشهد لنا الخيل والشعر يشهد للمقام ومقاله ٣٥/ وأليا لعبنا الشعر لعب البرازيل كن العتيبي فيه يمشي لحاله ٣٦/ انسجل الأهداف بالفن تسجيل والخصم يبلع ماش مما جراله ٣٧/ مثلتكم ياربعنا بعض تمثيل وأمجادكم تسموا على كل قاله ٣٨/ واليوم حب بلادنا فالتحاليل يفدا الوطن وملوكه اطيب رجاله ٣٩/ والفضل لله ولا على الرب تفضيل اللي مجنبنا الفتن والظلالة ٤٠/ وفي حفل فيصل مرحبا بالمشاكيل وعسى السعد اليومه ودوم فاله شعر : عبدالهادي مطلق @AbdulhadiMutlaq