وصفة الدكتور | كلمات : عناد الشيباني اداء : خالد ال بريك

شيلة : وصفة الدكتور كلمات : عناد الشيباني اداء : خالد ال بريك بمناسبة : زواج عقيل مشبب الميزاني اليا طل الصباااح وطلته جابت شعاع النور ارحب به .. واقول : الله يحيي بس هالطله حمار الشمس يوم انه يفرق ظلمة الديجور تقول : انه يوضح خلة اللي عندهم خله ..! يذكرني " حمار عيون " قومٍ فعلهم مشهور مطير اللي مواقفهم تعقد الحبل وتحله عزاويهم ثلاث وصفهم واحد ماهو مشقور حمايا اهل الثلاث المعجزات من الله جبله يصير المستحيل الصلب ليّن كنه الباكور لا جوه بريه مع علوى و جوه الاد عبدالله .. ! هم اللي مرحباهم وصفةٍ ينصح بها الدكتور يقول ازبن على المطران واخذ اللي تبي كله لا جاهم واحدٍ جايه من ظروف الليالي جور يعبي سلة المهمل .. ظروف ويحذف السله وانا يوم امدح المطران لا منهي ولا مامور اعد الحق .. واقدر نبا المطران واجله …! مع اني في بني عمي مقابيس الوغا مغرور لكن اللي مهوب يحب حمران النظر خله ترى اللي يهضم حقوق القبايل غاوي ومثبور ياويله من عذاب الله .. لو الايام تمهله قليل العرف طبعه مثل طبع القاتل الماجور ليا ارخيت الريال يقوم الشله على الشله ياراعي الكلمه اللي من رداها توجع الحنجور ياليتك تربط لسانك .. عن الزور وعن الزله مدام ان اللسان احصان حاول ما يعود ثور بلشنا في علومٍ .. مالهااااا مذهب ولا مله مثل مافيه اراضي عشبها نابت واراضي بور ترانا من تراب وكل واحد يفرقه دله ..! ياحي اللي عزاويهم ترد البل على المقهور وحي الطاري اللي كل طيب راس يفطن له ذوي ميزان ميزان الحقوق وسعيهم مشكور ولدهم فزعته مثل الدواء اللي يبري العله دعاني واحدٍ منهم وجيت وخاطري مسرور ولا فيه ابرك من الشيّ لا من صار في حله هذا الميزاني اللي في مقامه ماني معذور عقيل مشبب اللي لـ الشبب في حلته حله ولد عودٍ على رجم المراجل بيرقه منشور مشبب مزبن اللي في حياته ما برد غله يجيه الضايق المعسور ويعود ماهو معسور يسد الدين حتى لو يبيع الجيب والفله يحب الطيب ويضد الخصيم ويجبر المكسور جنابه يستظلون اكثر العربان في ظله جذبك بسلمه الطيب وقلدته وعشت الدور على دربه ونهجه كل معلم طيب تاصله حفيد اللي صدى تاريخهم بين العرب مذكور ياحي اللي على ساس وفعل مهوب حي الله ياخو يعقوب يامال السعد يا الطيب المنعور تراحيبك تكفينااا عن المفرود والدله تحط الحشو وتردد هلا فيكم على الميسور وبيتك من كرم يمناك كل الناس تدله قبولك يالقحم .. مافيه شك ولا عليه قصور يا مشاء الله على اللي فعله يجمل ياماشاء الله ولا هانو خوانك .. طيبين المعرفه والشور مواقفهم تشرف مثل حد السيف ابو سله ترى الاخوان .. مثل المحزم اللي مستحيل يبور هم اللي في ذراهم ما تعرف الضيق والذله ليا حدك زمانك شفت فعل سلاحك المذخور تحيزم فـ اطرف اخوانك وهمك فالزمن جله لامن الوقت زاد الطين بله بالقسى والجور يجون ويعمرون .. المنهدم بالطين والبله .!! #مطير #حمران_النواظر #شيلة #شيلات #عناد_الشيباني #خالد_ال_بريك