شاول الملك أول ملوك اسرائيل - سفر صموئيل الأول - حق وحقيقي 83

شاول المزارع البسيط اللي بيشتغل مع ابوه قيس، ضلت الأتن بتعاة ابوه وراح يدور عليها لكنه مارجعش شخص عادي.. دة رجع ملك اسرائيل الأول.. كمل معانا الحلقة دي عشان نتعرف على قصة أول ملوك اسرائيل شاول ابن قيس

رسالة حلقة النهاردة هي ان الله بيدعوا ناس عاديين عشان يعملوا ادوار مهمة في خطته .. ماتستصغرش نفسك لو ربنا دعاك لشئ تعمله .. لأنه هو بنفسه اللي هايجهزك للدور ده .. لكن كل اللي عليك انك تفضل أمين لآخر وقت في دورك ده زي صموئيل اللي فضل أمين من صغره لغاية لما بقى شيخ وفضل يصلي للشعب كأب روحي ليهم ومؤتمن على كلمة الله ..
والرسالة كمان لينا ان الله هو بطل القصة بجد .. وهو اللي بيتحكم في القلوب والأحداث .. اوقات ممكن يكون بيستخدم الخلل البسيط اللي بيحصل في شغلك مثلا زي ضياع الاتن بتاعة شاول عشان يوصلك لصموئيل اللي يدلك على دعوة الله ليك .. خليك واثق في الله مهما بدت الظروف صعبة .. هو دايمًا صالح وليه خطة في كل تفصيلة بتحصل في الكون دة كله .. وهو عايزك تمشي وراه بالايمان ..
واخيرًا ممكن ربنا يدعوك دعوة شخصية لعمل حاجة معينة لكن تلاقي نفسك لسة مابتعملهاش لأنه لسة ماجاش الوقت.. زي ما شاول اتمسح لكنه قعد لسة في بيته، لحد لما تيجي المعركة .. او بمعنى أصح لحد لما يظهر الاحتياج لدورك ده .. لو انت بتعدي بالمرحلة دي خليك واثق في دعوتك لحد لما ربنا يفتحلك الباب ويستثمر الاعداد اللي بيعمله فيك الوقت ده .. انتظر الله واصبر ليه .. آمين


ماتنساش تشترك في صفحتنا على الفيسبوك:
https://www.facebook.com/livingbreadlearning/

وكمان تزور موقعنا الالكتروني:
https://www.livingbread-eg.org

أضغط على الرابط دة للاشتراك في القناة وعشان تشوف باقي الفيديوهات
https://www.youtube.com/channel/UCWlPQR_0dhBxj-I3Yd7C8Qg?sub_confirmation=1

وممكن كمان تتابعنا على الانستجرام من هنا:
https://www.instagram.com/livingbreadlearning/

اهلا بيك في خدمة الخبز الحي

music from: bensound.com