(هوسات شعبانيه) للشاعر علي غني الصفار الحلي بصوت الرادود ابو هاشم الربيعي ليلة ١٥/شعبان /١٤٤٦ هجري

هوسات لعلي الاكبر عليه السلام
❤️🌺🌹🍀🌸☘🌼💐🌷🥀🌿🌹
انولد هاليوم شبه الهادي
ونوره ضوه اعله الجبل والوادي
انغني بسمه ابمحفله ونادي
ها خوتي ها .. والاكبر شع إبأنواره
❤️🌺🌹🍀🌸☘🌼💐🌷🥀🌿🌹
اليوم بنت المصطفى فرحانه
وتهنيها املاك السمه ويانه
شبه طه النبي والفخر عنوانه
اتلوليله .. ها ها .. وتهز ابمهده
❤️🌺🌹🍀🌸☘🌼💐🌷🥀🌿🌹
الشيعه ابمولده بالفرح مسروره
شع الكون كله وضوه ابنوره
اهلال العيد چنه على المعموره
ضواهه ..ها ها .. للدنيه ابنوره
❤️🌺🌹🍀🌸☘🌼💐🌷🥀🌿🌹
لحسين التهاني اليوم بالأكبر
وجده المرتضى الكرار والكوثر
من شجرة نبينه الطاهر الأزهر
او صافه .. ها ها .. ماخذ من طه
❤️🌺🌹🍀🌸☘🌼💐🥀🌷🌺🌹
جنه هلال عيد وبالسمه من لاح
يشع الكون كله والعطر فواح
وهلت على الشيعه اليوم بالافراح
هادينه .. ها ها .. يفرح بالمولد
❤️🌺🌹🍀🌸☘🌼💐🌷🥀🌺🌿
شبيه المصطفى شكله وجماله
طبق الاصل وارث كل خصاله
شجاعه وبالعلم يزهي ابكماله
امجاده .. ها ها .. وارث من جده
❤️🌺🌹🍀🌸☘🌼💐🌷🥀🌿
رسايل شوگ للمحبوب ودينه
لبو السجاد بالأكبر هنينه
وصواني الفرح بالشمعات ضوينه
ها خوتي ها .. اشموع الفرحه انضويها❤️🌺🌹🍀🌸☘🌼💐🌷🥀🌺🌹
بالمحفل الليله اليوم مجتمعين
تجمعنه المحبه وكلنه فرحانين
نهني المرتضى وام الحسن وحسين
يحضرونه .. ها ها .. بالمحشر غادي❤️🌺🌹🍀🌸☘🌼💐🌷🥀🌺
الشاعر علي غني الصفار الحلي




ليلة ١١/شعبان /١٤٤٦ هجري
الاثنين 10\2 \2025 ليلة
ولادة علي الاكبر عليه السلام
في مسجد الإمام علي ابن
موسى الرضا عليه السلام
حله محلة جبران
#هوسات #قصائد1446هج




هوسات لولادة الامام المهدي عج
❤️🌺🌹🍀🌸☘🌼💐🌿🥀🌷🌹
     اليوم ابمولده طشو الورد والريحان
     نور  المهدي  هل وشع على البلدان
      عيد اليوم عدنه وكل محب فرحان
    ها خوتي ها .. وشعبان اتشرف بانواره❤️🌺🌹🍀🌸☘🌼💐🌷🥀🌿🌹
      شعت على الشيعه  اليوم   انوارك
       وابمولدك   يبن  الحسن   نتبارك
       انهني  بيك  الزهره  والف  امبارك
       انهنيها .. ها ها ..  للزهره اليله
❤️🌺🌹🍀🌸☘🌼💐🌷🥀🌿🌹

      طالت   غيبتك   يمته   يمهدينه
      نكحل  اعيونه  ابشوفك   يغالينه
      والله   من  الصبر  مولاي   ملينه
      ها خوتي ها .. يايوم انشوفك مهدينه❤️🌺🌹🍀🌸☘🌼💐🌷🥀🌿🌹
      الليله   ميلادك  يبن  حيدر   علي
      منقذ الشيعه اصبحت يبن  الولي
      غني    يادنيا     بفرح     وأستقبلي
      ابميلاده .. ها ها .. اتغني الدنيه
❤️🌺🌹🍀🌸☘🌼💐🌿🥀🌷🌹
      خلها    ابغيضها    اتموت    عدوانه
       ويظل الكل موالي المهدي  عنوانه
       ابو صالح المهدي  الكرم من  شانه
       ويانه ..ها ها.. من غيرك يفزع
❤️🌺🌹🍀🌸☘🌼💐🌿🥀🌷🌹 
      يعود      ابخير    هالمولد   علينه
       ويعجل  بالفرج    للغايب    ولينه
      يزيح     الظلم    اللي   يمر    بينه
      ابميزانه .. ها ها .. ويحكمها الدنيه
❤️🌺🌹🍀🌸☘🌼💐🌷🥀🌿🌹
       ياهلا    ابشعبان     وبنص     الشهر
       مولد    الحجه   على    كل     البشر
       امنور    الدنيا     المهدي    المنتظر
       ها خوتي ها .. وتهل ابشعبان انواره
❤️🌺🌹🍀🌸☘🌼💐🌷🥀🌿🌹
الشاعـر على غني الصفار الحلي


ليلة ١٥/شعبان /١٤٤٦ هجري
الجمعه 14 \2 \2025 ليلة
ولادة الأمام المهدي المنتظر
عجل الله تعالى فرجه الشريف
في مسجد الإمام علي ابن
موسى الرضا عليه السلام
  حله محلة جبران
#هوسات #قصائد1446هج