Ազգությամբ հույն տիկին Ֆլորան Հայաստանի հունաբնակ գյուղում հայկական ճաշը պատրաստում է հունարեն երգի հնչյունների տակ, հետո բացատրում, թե ինչի մասին էր երգում։ «Հունական երգ է այն մասին, որ ես վատություն չեմ արել ոչ մեկին»՝ ասում է։
Լոռու մարզի Յաղդան գյուղը հայտնի է որպես հունաբնակ համայնք: Այստեղ հույները հաստատվել են դեռ 18-րդ դարում․ Արևմտյան Հայաստանից տեղափոխվելով՝ նրանց մեծ մասն Ախթալայում հաստատվելու փոխարեն նախընտրել է Յաղդանը: Ժամանակին գյուղն ունեցել է 1000-ից ավելի բնակիչ: Այդ տարիներին հայերն այստեղ փոքրամասնություն են եղել:
Պատկերն այժմ էականորեն փոխվել է․ հույներն արդեն Յաղդանում մեծամասնություն չեն։