هل القمة العربية فشلت ٫ إسرائيل بتوسع احتلالها، و أوروبا بتتحدى ترامب ٫ اللي جاي خطر!

#اقتصاد_احمس العالم كله على صفيح ساخن! القمة العربية متلخبطة، وإسرائيل بتستغل الوضع علشان توسّع احتلالها، وأوروبا بتحاول تتحدى ترامب في مواجهة مصيرية. هل الناتو فعلاً على وشك الانهيار؟ وليه زيلينسكي بقى لوحده بعد ما أمريكا رمته برا البيت الأبيض؟ إسرائيل مش بس بتحارب غزة.. دي بتخطط لحاجة أكبر بكتير، وبتستعد لضربة ممكن تغيّر شكل المنطقة بالكامل! الإعلام الإسرائيلي بيقولها بصراحة: “إسرائيل الكبرى بتتبني قدام عنينا!” هل ده مجرد كلام ولا التنفيذ بدأ فعلاً؟ والأهم.. هل المخطط ده ممكن يمتد لسيناء؟ في أوروبا، ترامب عامل زي الأب اللي قرر يسيب عياله يتخانقوا لوحدهم! الأوروبيين دلوقتي بيتصرفوا لوحدهم لأول مرة، وبدأوا في تأسيس تحالف جديد.. هل ده معناه نهاية الناتو؟ أما في الشرق الأوسط، فإسرائيل مش ناوية توقف، والأسلحة اللي بتوصل لها بالعبيط من أمريكا بتقول إن اللي جاي هيكون كارثة! السؤال هنا: لو حصلت مواجهة كبيرة، مين اللي هيدفع الثمن؟ وهل القمة العربية قدرت تعمل أي حاجة توقف ده؟ ولا إسرائيل بتنفذ خطتها بدون ما حد يعترض؟! في الحلقة دي، هنفهم التفاصيل كلها، وهنكشف الخبايا اللي محدش بيتكلم عنها.. المشهد ده مش مجرد أزمات متفرقة، ده بداية حاجة أخطر بكتير!