اختبار لوحات الجهد المنخفض في المصنع في خمس دقائق فقط

النهارده هنبدأ سلسلة جديدة على القناة و السلسلة دي هتكون خاصة بأختبارات مهمات الكهرباء سواء كانت مهمات جهد متوسط زي الموزع أو وحدة الربط الحلقي (RMU) أو المحول او مهمات الجهد المنخفض زي اللوحات العمومية و اللوحات الفرعية و هنبدأ النهارده بأول فيديو في سلسلة اختبارات مهمات الكهرباء بأختبار لوحات الجهد المنخفض. بيتم اختبار لوحات الجهد المنخفض في المصنع عن طريق مجموعة من الاختبارات و ده اللي هنشوفه مع بعض النهارده عن طريق اننا هنختبر لوحات مختلفة مع بعض. فأول اختبار بيتم في لوحات الجهد المنخفض هو اختبار الفحص البصري او ما يعرف بأسم Visual check او ال Visual test طب ازاي visual test ده بيتم ؟ الفحص البصري او visual test للوحة بيتم عن طريق مراجعة الشوب دروينج المعتمد للوحة و اللي بيكون متوضح فيه طريقة دخول الكابلات للوحة و بالتالي ده هيتحدد على اساسه طريقة تفتيح في اللوحة و بيتحدد من خلال الشوب دروينج rated current الخاص بال main breaker و short circuit current الخاص بيه بالاضافة للموديل بتاعه و عدد القواطع الفرعية و rated current الخاصة بيها و short circuit current الخاص بيها و الموديل بتاعها و هل هي adjustable و لا لأ و هل في كنترول في اللوحة و لا لأ بمعنى هل في كونتاكتور معينة او ريلاي ففي visual test بيتم مراجعة كل البيانات دي و مطابقتها بالشوب دروينج المعتمد و التأكد من كثافة و سمك النحاس بحيث ان ١ مم مربع في النحاس بيشيل تيار قيمته ١.٥ امبير فمن خلال العلاقة دي بنقدر نحسب كثافة النحاس المطلوبة للبارات و يجب التأكد من ان المسافة ما بين البارات لا تقل عن ٨ مم زي ما هو واضح في الكود و التأكد من طلاء اللوحة و انه ميكونش فيه اي خدش او تجريح و ان الطلاء يكون من النوع electrostatic. اما تاني اختبار بيتم على لوحات الجهد المنخفض فهو اختبار التوصيلية او اطلاق التيار او ما يعرف بأسم continuity test و الهدف من الاختبار ده هو التأكد من ان الجميع القواطع تعمل بشكل جيد و ان جميع القواطع بحالة جيدة و موصلة بالشكل المطلوب ففي الاختبار ده بيتم تنزل جميع القواطع و إطلاق تيارعلى اللوحة و بيتم الاختبار ده من خلال استخدام واحد من ثلاث طرق اما بإستخدام افوميتر و تظبيته على وضع buzzer و وضعه على كل قاطع للتأكد من سلامة القواطع او عن طريق استخدام لمبة بيان و وضعها عند كل قاطع و بالتالي في حالة لو كان القاطع سليم هتنور اللمبة اما عن طريق استخدام كونتاكتور و توصيله بكل قاطع و بالتالي لو كان القاطع سليم الكونتاكتور هيعمل صوت و هينزل لتحت و بالتالي بأي طريقة من الثلاث طرق دول بيتم اختبار continuity و بيتم التأكد من سلامة القواطع. اما الاختبار التالت و الاخير في لوحات الجهد المنخفض هو اختبار العزل او ما يعرف بأسم insulation test و الهدف من الاختبار ده هو التاكد من قدرة العزل على تحمل الجهود العالية و بيتم الاختبار ده عن طريق تسليط جهد قدره ٢٥٠٠ فولت AC او ٢٢٠٠ فولت DC و بيتم تسليط الجهد ده ما بين الفازات و بعضها و ما بين كل فازة و النيوترال  و ما بين كل فازة و الايرث. و بيتم استخدام جهاز الميجر لقياس المقاومة بحيث ان المقاومة يجب الا تقل عن ٢.٥ ميجا اوم  طب جت منين ٢.٥ ميجا اوم دي ٢.٥ ميجا اوم هي ناتج قسمة ٢٥٠٠ فولت اللي هو جهد الاختبار على ١ مللي امبير. فلو استخدامنا جهاز ميجر من النوع analog هنلاحظ ان المؤشر بينحرف لاخر التدريج اللي هو infinity و ده معناه ان القراءة اكبر بكتير من ٢.٥ ميجا اوم اما اذا كان جهاز الميجر المستخدم من النوع digital فهنلاحظ ان القراءة هتكون اكبر من ٢.٥ ميجا اوم برده و لكن لانه ديجيتال فيهيدينا قراءة و لكن هنلاحظ انها هتوصل لقيم بالجيجا اوم و احيانا بالتيرا اوم و ده دليل على نجاح الاختبار و نجاح العزل و قدرة العزل على تحمل الجهود العالية. و اخيرا لو عملت شورت عن طريق اني اسلط الجهد ٢٥٠٠ فولت ده ما بين اي فازة و جسم اللوحة فهنلاحظ ان جهاز الميجر هيديني قراءة اقل من ٢.٥ ميجا اوم . و بكده يبقى احنا شرحنا الاختبارات اللي بيتم على لوحات الجهد المنخفض و وضحنا ازاي بنقدر نختبر اللوحات دي بالتفصيل .