5/23
Day 1
Tokyo inn 要10:00am就check out,黃小姐唔肯起床😂
正式出發去鹿兒𡷊的霧𡷊温泉鄉🥰
車程2小時，中途係休息站停下，瞓醒見到Highway 黃生開到110😅快到呢
去到約1:00pm，見到有間燒肉，就入去食午餐
和牛好淋，話自己唔食牛肉的黃小姐，叫我比多啲牛肉佢，反而我好鍾意佢的沙律，d蔬菜新鮮很爽脆。門口仲有浸腳温泉，仲有毛巾比埋你抹腳。
之後我哋去咗霧島的神話之里公園。
黃生🤦♀️去到公園話漏左成個袋，銀包，電話係浸腳温泉度，好彩去到冇人拎。日本都唔奇怪仲係度😂
公園原來好多特別的設施，首先坐小火車上山頂。之後可以坐吊椅上到最高點，滑板車滑返落去。吊椅只可以－人－張，黃小姐又ok😂😂
上到最高景色好靚，滑道都好長，好好玩，黃小姐玩左二次。吊椅加滑板車每人 yen$600,好抵玩
公園5:00pm關閉。我哋就去温泉酒店啦。依間温泉酒店好大。所有酒店訂房website這星期黃金週已經唔多酒店有房。見到佢有房就訂，已經冇得選－泊二食。去到又唔可以加。出去食附近原來好少餐廳😅只見有居酒屋食小食😂都殺啦，叫左幾個，都唔差幾好味
返到酒店梗係浸溫泉啦。黃小姐愛上浸溫泉。浸溫泉期間仲二母女傾左好多計，又好奇見到咩都問😂好彩其他姐姐，姨姨唔識聴😂😂
Day 2
溫泉酒店早餐都好豐富，有很多曰本名物任食。
Check out後就去霧島神宮，今日係日本公衆假期。好多人，入去神宮排哂隊，我哋只係外面睇吓行吓，見到多個景點，800年老樹，紀念石，鳥居
神宮外仲有個小食檔，黃小姐見到佢好想食的果汁冰。買比佢試吓，其實咪就係色素，糖，水🤦♀️食哂仲話好味
食咗小食同早餐，唔係太肚餓，就直接下－站，國分城市公園。有摩天輪，高卡車，長滑梯，仲有香港70-80年代的公園設施😂最驚喜係公園後山的風景，可以見到活火山櫻𡷊，霧島市景，海景
又玩到關門。今晚我哋要出返鹿兒𡷊市，因為公衆假期霧島温泉酒店全部冇房。本來係想留二晚，冇計下訂返出市區。出鹿兒𡷊市約1.5小時，去到已經7:30pm
Check in完已經8:00pm左右，行出去全部店關哂😂search google去附近比較旺的天文館區先有餐廳，求其食拉麵就算
經過麥當勞見到兒童餐有森林家族，黃小姐又話要，約hk$30 －個餐。