طالب الصعاق
انا اشهد انك جبت يابوي رجال
كلمات
خالد بن سعود بن شري
بمناسبة زفاف اخيه
مشاري بن سعود
_________
في ليلةٍ فيها من الطيب مدهال
مزيونةٍ تاخذ من الليل شامة
اعدها واشرب من العز فنجال
ويذرّي البشت الحساوي عمامة
في حفل اخوي معرب الجد والخال
مشاري اللي راقيٍ كل هامة
ي اخوي أنا فدوتك بالحال والمال
ي محزم اللي جاير الوقت ضامه
يوم ان يسرج ظهرها كل خيال
العز والناموس بيدك خطامه
أنا اشهد انك جبت ي ابوي رجال
فيه الخصال اللي تزود مقامه
ي ابوي وضيوفك من الجال للجال
في مجلسٍ يملاه عز وكرامة
يا مرحبا ترحيبةٍ عد همّال
باسم ال شري مورّثين الزعامة
ي طيب فعل ابوي من بين الأفعال
ويا طيب راسٍ فوق راس العدامة
سعود مداته على ربعه ظلال
شيخٍ مواقيفه ترد الجهامة
وانا حفيد مطوّعة كل عيّال
اللي لهم في صفحة المجد قامه
وانا امتداد لجيلهم فخر الاجيال
متراكيً على شداد الكرامه