ვადამდელი არჩევნების შედეგები გერმანიაში

შეცვლილი პოლიტიკური რეალობა გერმანიაში. ვადამდელ საპარლამენტო არჩევნებში კანცლერ ოლაფ შოლცის პოლიტიკური ძალა დამარცხდა. წინასწარი მონაცემებით, სოციალ-დემოკრატიული პარტია მესამე ადგილზე გავიდა. თითქმის 29%-იანი მხარდაჭერით ლიდერობს ფრიდრიხ მერცის ქრისტიან-დემოკრატიული და ქრისტიან-სოციალური კავშირის კონსერვატიული ბლოკი. წინა წლებთან შედარებით, ამ არჩევნებზე მნიშვნელოვანი წინსვლა აქვს ულტრამემარჯვენე ძალას, „ალტერნატივა გერმანიისთვის”, რომელმაც მხარდაჭერის მაჩვენებელი მკვეთრად გაიუმჯობესა და მეორე ადგილზე აღმოჩნდა. ახლა მთავარი კითხვაა, მოხერხდება თუ არა კოალიციური მთავრობის ფორმირება და რამდენად სტაბილური აღმოჩნდება ის. პირველ ადგილზე გასული ბლოკის ლიდერი ულტრამემარჯვენე ძალასთან კოალიციას გამორიცხავს და „სოციალ-დემოკრატებს“ მოლაპარაკების დაწყებას სთავაზობს. ნოემბრის ბოლოს მმართველი კოალიციიდან მემარცხენე-ლიბერალური პარტიის ლიდერის გასვლის და კოალიციური მთავრობის დაშლის გამო დანიშნულმა ვადამდელმა არჩევნებმა რამდენიმე მნიშვნელოვანი პოლიტიკური ძალა ბუნდესტაგს მიღმა დატოვა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1tv.ge გამოიწერეთ ჩვენი არხი - https://www.youtube.com/user/GeorgianPB/ ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.