Борбор Азия чөлкөмүндөгү кошуна мамлекеттер курган резиденциялар менен “Ынтымак Ордонун” архитектуралык өзгөчөлүгүн жана иш алып барууга ыңгайлуулугун салыштырып көрүүнү чечтик.
Казакстан, Өзбекистан, Тажикстан өлкөлөрү эгемендикке кадам таштаган алгачкы жылдардан тартып эле мамлекеттик резиденцияларын жаңыртып чыгышкан.
Бишкектин түштүк бөлүгүндө, мамлекеттик резиденцияга жакын жайгашкан “Ысык-Көл” мейманканасы 2021-жылдын аягында бузулган. Анын ордуна “Ынтымак-Манас Ордо” деп аталган президенттин администрациясынын имаратынын курулушу 2022-жылы башталып, быйыл август айында аяктады.