#حلويات_رمضان بديل الهريسه والبسبوسه طعمها حكايه هتوديكي في حته تانيه من جمالها
ملعقتين كبار سمنه وعليهم نص كبايه سكر نضربهم كويس ونضيف عليهم بيضتين ونضربهم كويس بمضرب سلك يدوي عادي ونضيف كوب دقيق سيمولينا ومعاه كبايه جوز هند متوسط النعومه ونص كبايه دقيق عادي متعدد الاستخدامات وملعقه كبيره محسن خبز (بيكنج بودر )ونعجنهم بأيدينا او اسباتيولا واخر حاجه معانا اللي هتعزز الطعم وتدينا اللون الجميل ملعقتين كبار لبن بودره متحمصين وواخدين اللون الدهبي وملعقتين جوز هند متحمصين نضيفها ونكمل عجن بأيدينا برده العجينه مش بتكون سايله ونحطهم في صينيه مقاس ٢٨ وفي فرن درجه حرارته ١٨٠ في الرف الأوسط من عشر دقايق لربع ساعه ونفتح عليها الشوايه لما تحمر من الجوانب ونطلعها نسقيها شربات تقيل بارد