الحياة اللي بلا عز مافيها طعم 👌🏻🔥 الظروف تقول من طاعني يبطي عظم 👏🏻 جفران بن هضبان - 2025

خالد بن جهيط :
علّ همّال الرفايا من بكور الوسم
تنعش اللي راح صدره من الوقت افحمه .'

كثر مايونس بـ صدره مثل شوك السلم
كنّه ايجر ( الطويله ) .. ليا جرّ انسمه .'

الظروف تقول : من طاعني يبطي عظم
و الشفوف تقول : ما كل بيضا ب اشحمه .'

سعيد بن علي :
الحياة .. اللي بلا عز مافيها طعم
من يحدك دون شفّك تحده واهزمه .'

خل في راسك شجاعه و في قلبك عزم
لقمةٍ يطمع بها الذيب خذها من فمه .'

ايهرم ويموت ماوصل لاراس الهرم
واحدٍ في سكة المجد ماساق قدمه .'

خالد بن جهيط :
جعله افدا اللي تربع على عرش الكرم
بو تميم الجود كله ب عينه و اعلمه .'

الكريم .. اللي يضيّف و يكرم من عدم
وان تباطى الضيف صوّت لـ جاره و اعزمه .'

من ايعذرب جود كفه و عمره ما عزم
ودك الذيب .. ايتعشاه قدام اغنمه .'

سعيد بن علي :
كل فعلٍ يكسب الرجل به قول ونعم
علّق اوسامه لو اسمه معلّق في سمه .'

ابشر ابشر يالسنافي ودندن واحتزم
الكفو لا من دعانا .. قضينا لازمه .’

ياحفيد اهل المراكيض والخيل الدهم
حي والله عينك اللي ماهي عين رخمه .’

خالد بن جهيط :
العماشين اسمهم معتلي روس القمم
طال عمر الحي و الميت الله يرحمه .’

عند ابو رايد و ابو مرحبا و اقلط و سم
مغثويٍ .. ف المهمات يكرب محزمه .’

ابلج(ن) فـ الحاضره والبوادي و التهم
ذايع(ن) صيته بـ الامداح من زود اكرمه .'

سعيد بن علي :
مرحبا والضيف يقلط على بن وشحم
والدلال الصفر قدر الضيوف مولّمه .'

في مضيفٍ من غلا راعي الحفل ازدحم
شيّده .. رايد زبون الجميل ونظّمه .'

فيه دقلات المواريد .. سلّم واستلم
مااسمع الا يالله حيّه .. و يالله سلّمه .'

خالد بن جهيط :
طبعنا وسلوم جداننا من ذو القدم
نكرم اللافين .. في سلم ولا ملحمه .'

اي نعم .. حنا رفاعه .. و رفرف يـ علم
هل سيوف(ن) وقعها فـ النحر و الجمجمه .'

يعترض قدامها شيوخ و تعوّد خدم
تسفك الشواش و اللاش ما تسفك دمه .'

سعيد بن علي :
من دول غامد ومن جيش سلمان الحزم
والوطن حنا جنوده ومرفوع علمه .'

اسمنا غامد .. ويكفيك فخامة الاسم
نكسب كبار البطولات .. ونحصد اوسمه .'

لاتدور .. مع هل المركز الاول رقم
غامد الهيلا .. الاوايل بدون مقدمه .'




اشترك في منصة بصمة الإبداع الإعلامية وفعّل جرس التنبيه للوصول إلى أحدث الاصدارات الفنية:
https://youtube.com/@Basmhalebda3?si=b9jaxKOu-z8ICsnM

للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
https://www.snapchat.com/add/a_thane2

‏Official Twitter :
https://twitter.com/a_thane2

‏Official Instagram :
https://www.instagram.com/a_thane2

ـــــــــــــــــــ