اغاني طمبور
صديق احمد
ﻧﺎﺭ ﻋﻮﻳﺶ
ﻛﻠﻤﺎﺕ : ﻋﺒﺪﺍﻟﻠﻪ ﻣﺤﻤﺪ ﺧﻴﺮ
ﺍﻟﺤﻦ ﻧـــﺎﺭ ﻋﻮﻳـــﺶ ﺍﻥ ﻋﻠﻘﻮﻫﺎ ﺗﻌﻴﺶ
ﺑﺲ ﻣﺎ ﺍﻧﺖ ﺟـــﺎﻫﻞ ﻭﺍﻥ ﺟﻔﻴﺖ ﻣﻌﻠﻴﺶ
ﺑﺎﻥ ﻳﺘﻬﺎﺩﻯ ﻳﺘﻤــــــﺎﻳﻞ ﺑﺸﻴﺶ ﻭﺑﺸﻴﺶ
ﻗﺼﺪﻭ ﻳﻜﺎﻭﻯ ﺣﺶ ﻋﺼﺒﻨﺎ..ﺣﺶ ﺍﻟﻌﻴﺶ
ﻻﻓﻰ ﺳــــــﻼﻡ ..ﻻﺑﺎﻟﻠﻴــــــــﺪ ﻭﻻ ﺭﻣﻴﺶ
ﻣﻦ ﻭﻳﻦ ﺟﺎﻯ ﺁﺯﻭﻝ ﻋــــــﺎﺩ ﻭﻻ ﺷﻘﻴﺶ
ﻋﻢ ﺷـﺬﺍﻫﻮ ﻣﻦ ﺟﺴﻤﻮ..ﺍﻟﺤﺮﻳﺮ ﻭﻫﺸﻴﺶ
ﺑﺎﻟﻄﻴﺐ ﺍﺗﻌﻄﻦ ﻫﻮ ﺩﺍ..ﺃﺻﻠﻮ ﻣﻮ ﺭﺷﺮﻳﺶ
ﻭﺍﻟﻌﺠـــــﺐ ﺍﻟﻌﺠﻴﺐ ﺍﻳﺪﻭ..ﺍﻟﻤﻼﻧﻰ ﻏﻮﻳﺶ
ﺷــــــــﻔﻨﺎ ﺍﻟﺘﻠﺔ ﻟﻜﻦ..ﻣﺎﻓﻰ ﺣﺲ ﻛﺸﻜﻴﺶ
ﻟﻴﻦ ﻃﺒــــــــــــــــــﻌﻮ..ﻣﺎﺑﻴﺘﺤﻤﻞ ﺍﻟﺪﻗﻴﺶ
ﻟﻜﻦ ﺑﻰ ﻋﻴﻮﻧـــــــــــﻮ..ﻳﻤﻴﻦ ﻳﻘﺎﻭﻡ ﺟﻴﺶ
ﺩﺍ ﺍﻟﺤﺒﺴـــﻮﻩ ﺩﺍﺧﻞ..ﺣﻮﺵ ﻭﺟﻮﺍ ﺣﻮﻳﺶ
ﻭﻣﺎﺑﺘـــــﻘﺪﺭ ﺗﺸﻮﻓﻮ ﺍﻥ..ﻣﺎ ﺩﻓﻊ ﺑﻐﺸﻴﺶ
ﺟﻢ ﺟـــــــﺎﺭﺍﺗﻮ ﻳﺎﺑﺎ...ﺍﻟﻮﻧﺴﻰ ﻭﺍﻟﺪﺭﺩﻳﺶ
ﻭﻛﻞ ﺷــﻰ ﻣﻨﻮ ﺣﺘﻰ ﻭﻟﻮ..ﺑﺴﻴﻂ ﻣﺎﻓﻴﺶ
ﻣﺎ ﻛﻞ ﺍﻟﻌﻴــﻮﻥ ﻟﻰ ﺷﻮﻓﺘﻮ..ﺩﻳﻤﺔ ﻋﻄﻴﺶ
ﻭﻓﺪ ﻳﻮﻡ ﻣﺎ ﺳﻤﻌﻨﺎ ﻣﺮﻕ..ﻳﺠﻴﺒﻠﻮ ﻗﺸﻴﺶ
ﻟﻴﻚ ﺣﻖ ﻳﺎ ﻗﻠﻴﺐ ﻋﺎﺩ ﺍﻥ..ﺑﻘﻴﺖ ﺩﺭﻭﻳﺶ
ﻭﻗﺒـــــــﺎﻝ ﻣﺎﺗﻤﻮﺕ..ﺻﺎﻗﺮﺕ ﻭﺩ ﺍﺑﺮﻳﺶ
ﺩﺍ ﺍﻟﻮﺍﻟﻔﺘــــــــﻮ ﻗﺒﺎﻝ ﻣﺎ ﻳﺴﻮﻯ ﺍﻟﺮﻳﺶ
ﺭﺑﻰ ﺟﻨــــــــﺎﺣﻮ ﻃﺎﺭ ﺧﻼﻙ ﻟﻠﻄﺮﻃﻴﺶ
ﻣﺎﻟﻚ ﻛﻞ ﻳﻮﻡ ﺗﻌﺒــــــــــﺎﻥ ﻣﺴﺎﻫﺮ..ﻟﻴﺶ
ﻭﺷﻦ ﻣﺎﺵ ﺗﻠﻘﻰ ﻣﻦ ﻃﻴﻔﺎ ﻳﺠﻴﻚ ﺩﻏﻴﺶ
ﻣﺎﺑﺘﻘـــــــــــــﺪﺭ ﺗﻤﺪ ﺍﻳﺪﻙ ﻳﻘﻮﻟﻮﺍ ﻫﺒﻴﺶ
ﻭﻟﻮﻗﺼﺪﻙ ﺗﺴﺎﻟﻤﻮ ﻳﻘﻮﻝ ﻗﺼﺪ ﺧﺮﺑﻴﺶ
ﻣﺎﻟﻰ ﻏﻴﺮ ﺣﻨﺎﻧﺎً ﺑﻴﻦ ﺿـــﻠﻮﻋﻰ ﻳﺠﻴﺶ
ﻭﺍﺷﻮﺍﻗﺎ ﺗﺸـــــــﺎﺑﻰ ﻋﻠﻴﻚ ﺑﻼ ﺗﺤﺮﻳﺶ
ﻛﻞ ﻣﻨﻰ ﻗﻠﻴﺒﻰ ﻣﻌـــــﺎﻙ ﻳﻀﻤﻮ ﻋﺸﻴﺶ
ﻭﻳﺒﻨﻰ ﻣﻌﺎﻙ ﺳــﻌﺎﺩﺓ ﻭﻓﻰ ﻇﻼﻻ ﻳﻌﻴﺶ