شيلة برد الشبط | حنا البقوم الي كتبنا الهيمنه - جفران بن هضبان (جديد) 2021

كلمات منصور الميخار أداء جفران بن هضبان تصميم سعود البقمي 0502927899 الابيات : ي ليل برد الشبط مال الساري الا ما سراه علق مشاريهك على اللي لاسرا ليلك غدا . ما اطق خشم المكرفون الا ببيتً من غياه كنه يخبط بيوت خلق الله براسه ويحدا . خل البيوت اللي لقالوها تشد الانتباه وهاك البيوت اللي تشد جبال شمر والهدا . من كثر ما ادرس واتعلم من تصاريف الحياه احيان احط الها فدا واحيان اسجلها فدا . شاعر وربي حط لي فـ عيون حسادي طراه يثنون لي واصدورهم مليانة كره وردا . ابطيت ما غنيت لين الناس قالوا وش بلاه وعنيت لين البحر الاحمر في هواجيسي غدا . سلم على اللي بالجميل الشره مخلوقً نباه ورحب واذا رحبت ما قالوا بني عمي بدا . ميانتي في حلة الطيب دليلً عن غلاه ي مرحبا منه ليا بكره الى ماله مدا . ي شالح انت الصاحب من بغى الفزعه لقاه من قولة ابششر بالسعد لـ قول حزات الهدا . يمناك يمنىً ما تدور لا رصيد ولا غناه الا الجميل اللي ليا صاب الجبل جاء له صدا . انته ولد شيخً يقلطها على روس الدهاه ويعاند الاريا واذا اطلق رايه الهادي هدا . كريمً انسوق الثناء سوق المطايا في رضاه لعودً على طالات ما شيّب ولا معه امعدا . ما اكذب اليا من قلت ترفات الصبا شربن هواه شرب الخباري للمطر من بطن مردوم السدا . بالطاري اللي لا ركب فالقالب الشعري ملاه صفقت له قدام اغني له على بحر الحدا . هذا بديع قو مجد وقو جود وقو جاه يحرم على بطن امه اللي جايته تنجب ردا . اي والله الركن المتين اللي يذرى في ذراه واي والله الوجه الندي اللي سبق صوت الندا . في ضف ابن عياد خط المجد واعرب محتواه تعدد السنت الخبر لكن لنفس المبتداء . خواله من سبيع ابن عامر يوم الوقت غثاه خيالة الهدلا مرددت المعاند للقدا . العب بحد السيف واخذ اللي تباه وما تباه وابشر بشعرً غذب وانقى شوي من قطر الندا . واليا اعتزوا لاد الحميدي عنكب الركض لسماه الخيل تصهل والحرار تبوج راايات اعقدا . ياما رعوها جوس يوم الذيب ما يلقى عشاه وعشوه عطبين الظرايب راس قوم بلا فدا . يوم السيوف تطير الاسماء وترسم لاتجاه حنا البقوم اللي كتبنا الهيمنه معنى وادا . كن يعتلينا جن لا فرع لنا مبسم فتاه شره علينا اشر والعن باس من صفق العدا . الموت نلعب به وندب به ولا نخشى لقاه حنا سهومه كم نطلنا له عشاء والا غدا . ولا ننطل الا جمع والا جيش يمال الغناه ابليس لو انّا نشوفه شوف للحق اهتدى . يهدى بنا الطاغي لا منه ضاع رشده عن هداه هدايةً من حد سيفً ما ضرب فيه الصدا