Շամլուղը նախկինում եղել է քաղաքատիպ ավան, որն 95-ին ստացավ քաղաքի կարգավիճակ: Իսկ խոշորացման արդյունքում նախ Ախթալա հետո նաեւ Ալավերդի համայնքի կազմում ներառվեց որպես բնակավայր, սակայն հենց ինքը բնակավայրն էլ ունի բնակավայրեր, որոնք հիմա կոչվում են թաղամասեր` Բենդիկ, Ցլաքար, Հին Շամլուղ և Վերին Ախթալա: Հին Շամլուղը կամ ինչպես տեղացիներն են ասում Շամլուղ գյուղը դատարկվող բնակավայրերից է, վստահաբար կարելի է ասել որ այստեղ խնդիրներն ավելի շատ են քան բնակիչները: