اوبريت قبائل حرب💥 || كلمات : زامل السبيعي , اداء : خالد ال بريك || حصرياً || 2022

🔴 تنبيه لأصحاب القنوات جميع الاعمال حصرية ونسخ أو تحميل المحتوى وانتهاك الحقوق يعرض حسابك وقناتك للإغلاق

أوبريت قبايل حرب ⚡️

كلمات :
زامل السبيعي (( بيرق سبيع ))

اداء :
خالد ال بريـك

تصميم :
عمر السبيعي
0502938093

حرب الدول رفرفي ياراية العُرْب
الرايه اللي يلوح النصر فيها

عزوه سلام امبراطورية الحرب
السِلْم والحرب كله في يديها

يوم المدافع تهادر صُبْح ومْغرب
وجيوش الاتراك عن بكرة ابيها

غرتهم الحاميات وقوَّة الضرب
يقدر يقاتل سريَّه عسكريها

يبونها مثل ما استولوا على الصِرْب
ماكن قوات حربٍ تحتريها

القوَّه اللي تهز الشرق والغرب
تقضي عليها وتلعن والديها

من بطشهم فش فيها نافخ الذِرْب
والصلح والعافيه قدهو يبيها

راحوا لوالي مصر يوم الوضِع خرب
من باب(تكفى) لعله يحتويها

فزع محمدعلي ولا لقى درب
حرَّك عليه الحروب وبلش فيها

على التواريخ محدٍ يسحب الزرب
في صدري اعلوم ذالحين ابنجيها

ياقوم كان المحازم جالها كَرْب
سالم ومسروح ما اللي ينتويها

ما اوسع من اصدورهم في شِدة الكرب
تقلط على الموت كنّه من حديها

جيرانهم هل وطن ماكنهم غُرْب
ماينهضم جارها والّا خويها

عينتوا اللي يقول ابكي على حرب
يبكي على الجيره اللي مانسيها

اربع اسنينٍ وذوده عندهم جُرْب
محدٍ وقف بالعصا يومي عليها

اسمع بهم من بعيد وشفت عن قُرْب
ارجال وافعال مايوجد حليها

حتى ولو شِعْرهم جا للمثل ضرب
فرايدٍ كل مبدع يمتنيها

شُعَّارهم شاربين المعرفه شِرْب
والمرجله والمواقف تحتميها

الشاعر الحربي ابيوته لها ضَرْب
وتعيش الابداع ساعة يبتديها

تلقاه دايم يغرِّد خارج السِرْب
والساحتين ابوجوده واهنيها

انا ونا بو ترف والشرس والذَرْب
والقمتين امتلكها واعتليها

لا مرني بيت حربي لو انا وَرْب
ورابةٍ بالكرامه محتسيها

آقول في خاطري واثق ونا طَرْب
ليته يبيع القصايد واشتريها

.ثم👇
.

ياطيبكم ياقبايل حرب ياذربين الايمان
المدح فيكم ياهل لمداح ماينصك بابه

قومٍ مدحكم رسول الله محمد نسل عدنان
والله ما يمدح الا كفو يا احفاد الصحابه

قبيلةٍ انجبت مثلك يابو ساري كحيلان
ضافت على المجد مجدٍ تحسب العالم حسابه

ياعايش الله يعزك يارفيع القدر والشان
الدعوه اللي تجيني منك دعوه مستجابه

حتى اتصالك ليا جاني نهضت وقمت فرحان
وآقول للربع جاني ضيف غالي مرحبابه

آعدِّك اخوي وآنا خوك وخوانك لي اخوان
حتى ولو كان مابيني ولا بينك قرابه

سبحان من جمَّع اقلوب البشر سبحان سبحان
اللي دمج قلب من خنذف بقلبٍ من شبابه

صيتك شهر بالعلوم الغانمه في كل الاوطان
لولاك كان الكرم يبقى سوال ابدون اجابه

الصيت طيرٍ يحلِّق فالسما من غير جنحان
ماطيّره غير فعلٍ فالمجالس ينحكابه

بنيت قصر الضيافه للضيوف ابدون بيبان
مجْلِسْك صدرك وصدره ممتلي طيب ورحابه

منصا غني وفقير ومكسبك معروف واحسان
كنك عن آدم لذريته وكيلٍ بالنيابه

خلقك ربي يابو ساري جبل في هيئة انسان
الّا ان راسك تعدَّا قمتّه واكثر صلابه

ركنٍ من اركان حرب ومحزمٍ لعيال نجوان
لاد السحيمي شنار العز وبيوت المهابه

سحمان لا عِدوا ازحول العرب سحمان سحمان
والله ومليون نعمٍ بالشباب وبالشيابه

بعد الختام السلام وقبله انبارك لحمدان
نرجي من الله يبارك فيه ويطوِّل شبابه