កាលពីថ្ងៃទី ៧ ខែមករា ឆ្នាំ ២០២៥ នេះ សមត្ថកិច្ចខេត្តឧត្តរមានជ័យ បានផ្សព្វផ្សាយ សេចក្តីបំភ្លឺមួយថា ជនបរទេសចំនួន ៥៧ នាក់ដែលបានរត់ចេញពីកាស៊ីណូ អូរស្មាច់រីសត ត្រូវបានបញ្ជូនទៅស្នាក់ការនៃអគ្គនាយកដ្ឋានអន្តោប្រវេសន៍ប្រចាំខេត្តសៀមរាបដើម្បីបន្តនីតិវិធី។ អ្នកនាំពាក្យក្រសួងមហាផ្ទៃបានបញ្ជាក់ថា ករណីនេះគឺជាវិវាទការងារដែលត្រូវដោះស្រាយដោយក្រសួងការងារ ក៏ប៉ុន្តែ អ្នកការពារសិទ្ធិមនុស្សជំរុញឲ្យមានការស៊ើបអង្កេតពីករណីបោកបញ្ឆោត និងការជូញដូរមនុស្ស។ អ្នកនាង កាន់ វិច្ឆិកា រាយការណ៍លម្អិតឲ្យវីអូអេពីរាជធានីភ្នំពេញ៕