جفران هضبان & عقب صبي مايطنفها لامن البرق لاح - كلمات محمد ابن وافي 2025
ضع لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" لمتابعة شيلات الروقي عبر السناب "
https://www.snapchat.com/add/u511a
ام العراقيب العقل وام التسند والطفاح
اشيوخ لاكن في هواها لانتوت نجي خدم
عقب صبي مايطنفها لامن البرق لاح
الي عليها وسم جداني منزحة الخصم
مهوب حنا الي نرددها على عبصة المراح
قدم البدو لاسندو ولاحدرو دايم قدم
في ضفنا ماترتع إلا في مساس وفي فياح
ماشبكت من فضل ربي وسط شبك ولا عقم
يازينها لاروح الجندوب واختف الطياح
ازريفلان مع الخبب والحشو محزومه حزم
اخلافها مقهورها ابعد من ذقان الياء رماح
ماتلزم لو قدمها نحط الغرف ماتلزم
بنات هرش غاربه منقاد ورقبته شناح
من الاطيمس للحجب تقول مرسومً رسم
حنا هل البل فالجهل يومنها بعلط الرماح
من دونها نثني ركبنا والبنادق ماتزم
حنا عتيبه لاخدم ضرب المشوك والسلاح
والله ماحد ياخذلنا من ماضي الدنيا قسم
الياء اعتلينا فوق دهم الخيل والصياح صاح
نقسم جموع اخصامنا ونفك عوق الي زهم
مع العدو نضرب بشلفً تخلف عقول الصحاح
ربي خلقنا نلجم الي قدمنا ياقف لجم
ومع الرفيق ان راحت الدنيا على خف وجناح
ناقف مثل وقفت جنود المملكه دون الحرم
رفيق عمري فرحته مصدر سعاده وانشراح
لامن فرح معه فرحت ولابتسم معه ابتسم
خالد ابن ضيف الله أعده على جنبي سلاح
والله مافكر في عداي وهو معي واشيل هم
هذاه ابن عفار سمن للمعادي من ذحاح
اسمه يهيب بين الاسماء لاذكر حي الاسم
من راس عودن ماتزل اخطاها ياجعله مباح
الي يعدونه شيوخ المعرفه شيخ وعلم
الشايب الي راح واقفى وذكره الطيب ماراح
وسط المجالس يدرج والنعم يقفاه ونعم
يكرم لامنها شحت يدين الرياجيل الشحاح
الصبح يذبح ويعزم واليل يذبح ويعزم
له مجلسن مشرعه في ليل ولا في صباح
اقلط وتلقى لاقلطت البن الاشقر والشحم
من لابتن دون العشاير تاقف ودون القاح
ياكم عقيدن عندها طشو براسه فالحزم
ولدهم يهذري بحب البل وهو توه طراح
والياء كبر يبرها من جود ولا من عدم
الادمشيب حربة الهيلا ستر سيد الملاح
تاريخهم في نجد مايكفيه حبر ولا قلم
قبيلتن اكتسحت الامجاد والطيب اكتساح
حطولهم على ضهور الخيل فالطاله وسم
عند الوغى ومصاقل الفريس والله ماتزاح
تلطم لامن ثار العسام اخصامها دايم لطم