الفيلم بيبدأ مجموعة من الأطفال بياخدوا صورة سوا، (تيم تولر) كان واحد من الأطفال دول وفضل يضحك في الصورة كتير أوي لغاية ما بوظها، المصور قال له يبطل ضحك، بس لما جيه مدير المدرسة، كان شنبه غريب والولد فضل يضحك عليه أكتر، وبضحكته سبّب إن بقية الأطفال يضحكوا هما كمان وبوظوا الصورة كلها، (تيم) أمه ماتت لما كان صغير ومالهوش غير ابوه دلوقتي هو اللي بيعتمد عليه، أبوه كان شغال في شركة إنشاءات، (تيم) على طول كان فيه ابتسامة جميلة على وشه، على الرغم إن حياتهم كانت صعبة، (آيدا) بنت صاحبة المخبز كانت صاحبته المفضلة، هما الاتنين بيحبوا يروحوا يتفرجوا على الأفلام الكوميدية سوا على طول، (آيدا) كان عندها إعاقة في رجلها من وهي صغيرة، بس رغم من كده كانت صداقتها لـ(تيم) بتشجعها تكون سعيدة في حياتها.
على الرغم إنهم مكانوش أغنيا بس أبو (تيم) كان بيحاول بكل طاقته يلبّي كل احتياجات (تيم)، وهو وابوه كان ما بينهم علاقة قوية، وعلى طول بيحضروا مع بعض مسابقات الخيل، لأنهم كانوا بيحبوا السباقات وبيحبوا يراهنوا على الخيول في المسابقات، وبعد ما خسروا رهان من الرهانات، الاتنين رجعوا على بيتهم وفي طريقهم عدّوا على الفندق الكبير اللي في المدينة، أبو (تيم) بيقول له إنه كان مدير الفندق ده، ووعده إنه يعزمه على الغدا في الفندق ده في يوم من الأيام
ملخص فيلم : the legend timm
لو عجبك الفيلم متنساش تدعمنا بلايك وتشترك في القناه وتقولنا رايك في الفيلم في الكومنتات