سيدي محمد جيت قاصد داير فيك مسالة
قطب مولاي الله ولد سيدي احمد بن لكبير
يجعل صلاح توات يقبلوك نسا ورجالا
وتبدل علينا ان شاء الله الساعة بالخير
ودك ربي وعطاك عمرك من الاسرار قبالا
الاول في ملقاتو معاه تحت حرطان البير
فالمرة الاخرة جاك قبل ماهللت الهلالة
فالرفض اللي فمين فيه تما اعطاك المنير
بين اليقظة والنوم جاك وادخل لك زين الحالة
واجمع لك اقطاب الصالحين لعرج ولد ام الخير
تما افتح لك وقال لك سير تولي بعجالة
وسيدي داوود جيتو وقلت لو ودعا لك بالخير
ستيتن وجريفيل حتى البيض عرب رحالة
تفيلات وزرا وسويس تزهر بالحسن زهير
تزاير والسودان كلها لك راهي محتارة
واللي شق جبل قاف فارحة شيباني وصغير
مراكش وحواز الرباط الزياني والدكالة
والسويرة واقادير وبوحديد وساحة منير
عبدك عبد الله سلكو من سلكة الفوضالى
ثبتني عند الموت والشهادة واختم بالخير
ولد العربي جدو الهاشمي علاوي تصيلة
الساكن في بن طلحة غريب حالو حالو اليتيم
تقبلو تنزيل وتحجبو من البلا والبالا
وتحجب قاع الفقرة معاه الماشي والوزير
نختم قولي بالصلاة على المفضل مول الجلالة
الفين سلام علية دايمة على النبي البشير..