رينو كليو 🇨🇵 السعر المناسب لسياره اقصاديه - تفاصيل كامله مميزات و عيوب . RENAULT CLIO

سنه ٩٤ كانت بدايه الظهور الاول ل رينو كليو و ال تعتبر تطوير لرينو فايف عشان تكمل شركه رينو في سلسله اصداراتها لسيارات اقتصاديه تنافس باقي الشركات ومن سنه ٩٧ ل ٢٠٠٨ تم التعديل بنسخ افضل سواء في الامكانيات او التصميم . رينو كليو نزلت بتصميم مميز وعصري جدا وقت نزولها مع الهاتشباك منها او السيدان فالاتنين مختلفوش نهائيا من حيث الامكانيات غير في قوه الموتور لكن التصميم واحد مع الفرق في شنطه العربيه فمن الجزئ الامامي كات بتيجي بكشافات بشكل مثلث او دائري ع حسب الفئه وبينهم فتحات شبك بتفصلهم علامه رينو وفي الاسفل كشافات شبوره مع فتحات تهويه اما من الجنبين كانت بتيجي بمساحات زجاجيه عريضه مع مرايات تقليديه اسفلهم صدادات فيبر للحمايه ومن الجزئ الخلفي اختلفت علي حسب الفئه و الاصدار هاتشباك او سيدان لكن شكل الكشافات كان متقارب جدا مع علامه رينو في المنتصف وفي الاعلي زجاج بعرض العربيه الكليو نزلت بكذا نوع موتور ١٢٠٠ و ١٤٠٠ و ١٥٠٠ و ١٦٠٠ ودا نفس ال نزل ل رينو لوجان و ١٩٠٠ و ٢٠٠٠ و ٣٠٠٠ cc لكن الاكثر انتشارا في السوق المحلي ١٢٠٠ cc ودا كان خاص بالهاتشباك. اما ال ١٤٠٠ كان منتشر بشكل اكبر وطبعا ليه الافضليه عشان عزمه اقوي . باقي المواتير كانت بتنزل في اوروبا واماكن تانيه . وبالنسبه بقي للفتيس كانت بتيحي بنوعين فتيس مانويل ٥ سرعات و التاني اوتوماتيك و الافضليه للمانويل عشان الاداء الاقوي رينو كليو نزلت ب ٤ فئات الفئه الاولي كانت بيجي بتجهيزت متواضعه جدا مانويل بفتيس مانويل . تاني فيئه كانت ب ازاز كهربا بفتيس مانويل مع شاشه ارقام صغيره في التابلوه تالت فئه كانت بفتيس اوتوماتيك بنفس تجهيزات المانويل اما رابع فئه كانت بتيجي بكل التجهيزات مع سيستم انزار للسرقه مع دراع مالتي فانكشون اسفل الطاره وفوانيس شبوره وبالنسبه لوسائل للامان في كل الفئات فكانت متواضعه جدا برده يعني هو حزام الامان و الاتزان المقبول من العربيه و في نسخ منها كانت بتيجي ب اير باج واحد وموديلات تانيه ب abs الرينو كليو كانت بتيجي بمواصفات و ابعاد متقاربه جدا في كل اصداراتها و انا هنا هكلمك عن النسخ السيدان منه فكانت بتيجي بطول طول ٤ متر ١٥٠ عرض متر ٦٤٠ ارتفاع متر ٤٣٠ وزن ١٠٢٠ ك ودا للسيدان مساحه الشنطه ٥١٠ لتر تانك بنزسن بسعه ٥٠ لتر بمعدل استهلاك من ٦ ل ٧ لتر لكل ١٠٠ ك الكليو تقدر تقول انها نجحت في تحقيق اهداف رينو تقريبا في الانتشار و المبيعات و دا بسبب مميزات هتلاقيها مع الكليو اولها الاقتصاديه فالعربيه اقتصاديه جدا في استهلاك البنزين بمعدل زي مقولتلك من ٦ ل ٧ لتر لكل ١٠٠ ك دا غير ان تكلفه صيانتها مش مكلفه وقطع غيارها سعرها في المتناول تاني ميزه الاعتماديه فالكليو اعتماديه بشكل كبير جدا وموتورها قوي لكن احذر احذر ان يبقي فيها عطل وحد مش مختص او مش فاهم يشتغلك فيها لان مشاكلها هتزيد معاك وهتفتح عليك مشاكل اكبر اما لو اتعاملت مع اي مشكله مع صنايعي مختص خاصه في الكهربا هتلاقي اعتماديه ومتقلقش منها التجهيزات ووسائل الامان بالنسبه لعربيه في الفئه السعريه ال فيها ال كليو فالملسو ممكن تتفوق عن عربيات كتير ودا بسبب فئاتها المختلفه ونزولها بنسخ اوتوماتيك و بعض النسخ كانت ب abs واير باج التصميم تصميم الكليو عصري ومميز وقابل جدا للتعديل ال هيغير شكلها وهيخليها مختلفه تجربه القياده تجربه القياده ممتعه جدا مع السرعات لانك هتلاقي اتزان كبير منها لكن بلاش بأي شكل تعدي ال ١٢٠ اما في الشوارع الضيه وداخل المدينه فبسبب نشوفيه العفشه هتحس بشكل كبير بالنقر و المطبات السعر سعر العربيه مقبول خاصه لما تشوف اسعار غيرها من العربيات في نفس الفئه اعاده البيع اعاده البيع علي حسب اهتمامك بيها هتلاقي والسعر المنطقي ال انت عارض بيع فهتلاقي اعاده بيع اسرع زي اي عربيه فرينو كليو قابلت مشاكل من انتقادات كتير وناس كتير مكانتش بترشح العربيه للشرا ودا بيرجع برده لاسباب وعيوب ظهرت مع العربيه اول عيب الصيانه الاجزاء الميكانيكيه للكليو مش سهله ومبتبقاش واضحه لصنايعيه كتير دا غير ان حوض العربيه ضيق حتي بيبقي صعب جدا انك تجيب مقياس الزيت عشان كدا صنايعيه كتير ممكن يرفضو يشتغلو فيها ولو حد مش فاهم اشتغل فيها وعملك مشكله هتلاقي مشاكل تانيه ظهرت وخاصه مشاكل الكهربا معقده و صعب التعامل معاها تاني عيب المساحه الداخليه العربيه من جوا ضيقه جدا سواء للهاتشباك منها او السيدان في الحالتين ضيقه وتستوعب ٤ افراد فقط تجربه القياده تجربه القياده زي م كانت ميزه مع السرعات العاليه الي ان فيها عيوب داخل المدينه و مع الشواع الضيقه ودا لان عفشه العربيه ناشفه وهتحس شكل كبير جدا بالنقر و المطبات دا غير الدركسيون ال مع السرعات الهاديه و السلانسيه هتحس انه مانويل وتقيل جدا التجهيزات و الفتيس الاتواماتيك تجهيزات العربيه في ال ٤ فئات كانت بتيجي مع تكييف مش قوي للدرجه ال هتستناها منه دا مع فرش قماش وبلاستيك يكاد يكون ضعيف في اماكن كتير في العربيه وبالنسبه لفتيس الاتوماتيك تجربه الاداء فيه اقل من المانويل وفي الحالتين مانويل و اتوماتيك التسارع مش افضل حاجه اخر عيب قطع غيارها قطع غيارها سعرها مقبول لكن مش منتشره في اماكن كتير طيب بشكل عام تشتري رينو كليو ولا لا انا هنا هكلمك كواحد امتلك واستخدم العربيه دي قبل كدا لفتره مش قصيره من رأيي رينو كليو علي قد م هي عربيه ممتازه سواء في تصميمها او تجربه ادائها و اتزانها ع الطريق الا ان في عيوب صدقني هتزعلك منها وهتحس انك رميت فلوس في عربيه متستاهلش في حاله ان كان فيها عيب ومعرفتش تتعامل معاها سواء بقي كهربا ميكانيكا وغيرها من الاعطال لان العربيه لو ظهر فيها عيب ومتحلش في وقت سريع هتلاقي سلسله مشاكل جيالك وزي مقولتلك صيانتها مش سهله فلو قررت تجيبها لازم تعرف اماكن مختصه في صيانه الرينو و اماكن قطع غيار ليها اما بقي لو حابب تبعد عن الصداع دا فهتلاقي عربيات كتير في نفس الفئه السعريه ومفهاش المشاكل دي دا كان فيديو رينو كليو متنساش اللايك و السبسكرايب سلام ي وحش