#ရင်မှတရှိုက် ဝတ္ထုတွင် နှောင်းငယ်၏ဘဝဇာတ်လမ်းကိုလည်းကောင်း၊ နှောင်းငယ်နှင့် မင်းယဉ်တို့၏ အနာဂတ်ဇာတ်လမ်းက်ုလည်းကောငိး ဝတ္ထုရှည်ကြီးအဖြစ် ရေးသားသွားရန် ကြံရွယ်ရင်းရှိပါလျှက်နဲ့ အချိန်ကိုအစိုးရသူမဟုတ်၍ မဂ္ဂဇင်း၌ သုံးလနှင့်ပင် ဇာတ်သိမ်းခဲ့ရပါသည်။
ကျွန်မမှာ ရှည်ရှည်ကြီး ရေးချင်ပါလျက်နဲ့ အချိန်မရမှုကို စိတ်ပျက်ဝမ်းနည်းမိပါသည်။
ကျွန်မဝတ္ထုရေးခဲ့သမျှတွင် ဤဝတ္ထုသည် အသွက်ဆုံးဖြစ်ရမည်ဟုထင်သည်။ စာပေသဘောအရ မွမ်းမံခြယ်မှုန်းခြင်း၊ အနုစိတ်ခြင်း၊ ချဲ့ထွင်ခြင်းတွေမရှိတော့ဘဲ လိုရင်းသာကွက်တိဖြစ်အောင် သွက်သွက်ရေးချထားသောဝတ္ထုဖြစ်သည်။
ရင်နင့်အောင်မွှေးစာအုပ်သည် ရှုမဝမဂ္ဂဇင်းမှာ ခုနှစ်လခန့်ပါဝင်ပြီး ထူထဲသောစာအုပ်ကြီးဖြစ်၍ စာဖတ်ပရိသတ်များအတွက် အားရပါးရ တဝကြီးဖတ်ခဲ့ရသည့်အတွက် ကျေနပ်မှုရရှိကြသည်။
ရင်နင့်အောင်မွှေးကဲ့သို့ ရင်မှတရှိုက်စာအုပ်ကို အားရပါးရတဝကြီးဖတ်ရမည်ဟုအားခဲထားသော စန္ဒာမဂ္ဂဇင်းပရိသတ်များမှာ သုံးလနှင့်အပြီးသတ်သွားသောကြောင့် အားမရအောင်ဖြစ်ကြသည်ဟု သိရှိရသည့်အတွက် ခွင့်လွှတ်ပါရန် ဤအမှာမှတဆင့် တောင်းပန်အပ်ပါသည် ။
#ဂျာနယ်ကျော်မမလေး