ცოტა ხანში გახდება ცნობილი, რა გადაწყვეტილებას მიიღებს ევროსაბჭოს საპარლამენტო ასამბლეა საბჭოში ქართული დელეგაციის უფლებამოსილების გაგრძელებასთან დაკავშირებით.
უკვე ცნობილია მონიტორინგის კომიტეტის რეზოლუციის პროექტის შინაარსი, რომლის მიხედვითაც კომიტეტი საბჭოს მიმართავს რეკომენდაციით, ქართული დელეგაციის უფლებამოსილება მიმდინარე წლის აპრილამდე კონკრეტული დათქმით გაუგრძელდეს. კერძოდ, რეზოლუციის პროექტის მიხედვით საქართველოს ხელისუფლებამ უნდა აღმოფხვრას საპარლამენტო არჩევნების დროს გამოვლენილი ნაკლოვანებები და შექმნას საარჩევნო გარემო, რომელიც ხელს შეუწყობს მომდევნო თვეებში გამოცხადებული ნამდვილად დემოკრატიული არჩევნების ჩატარებას. ასევე, 2025 წლის აპრილის სესიამდე უნდა გაათავისუფლოს ყველა პოლიტპატიმარი.
წინაპირობით საუბარი კატეგორიულად მიუღებელია ქართული მხარისთვის. საქართველოს დელეგაციამ მოამზადა შესწორებებიც, სადაც განმარტებულია, რომ ახალი არჩევნების ჩატარების სამართლებრივი საფუძველი არ არსებობს. რეზოლუციის პროექტზე ამ წუთებში საპარლამენტო ასამბლეაზე დებატები მიმდინარეობს.
ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/1stchannel.1tv.ge
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.