Турли-туман дорилар ва даволаш услубларининг ёлғон аралаш тарғиботлари жуда урчиган, ундан озор чекаётганлар кундан-кунга кўпайиб бораётган ҳозирги замонда касалликларни даволаш борасидаги унча-мунча гапга одамларни ишонтириш осон эмас. Аммо... бизнинг бугунги хабаримиздан ҳеч қандай моддий манфаатдорлик йўқ — на дори тавсия қилмаймиз, на айнан бир шифохонада даволанишни. Шунинг учун ҳам унга ишонишингиз осон бўлар деган умиддамиз...
Гап шундаки, Самарқандлик бир шифокор хорижлик машҳур шифокорлар тадқиқотларига асосланган ҳолда қанд касаллигига чалинган беморларга қондаги қанд миқдорини тушириш учун ҳеч қандай дори-дармонсиз, фақат тоза табий маҳсулотлар билан махсус парҳез тутишни ва режелаштирилган очликни тавсия қилаётган экан.
Бу ҳақда эшитганимизда, рости, қулоқларимизга ишонгимиз келмади. Аммо бу хабарни табиий тоза маҳсулот етиштириш борасида жиддий режалар устида ишлаётган, бизга пиёз ва саримсоқпиёз етказиб бераётган ишончли ҳамкоримиз етказганди. Айниқса шифокорнинг айнан табиий тоза маҳсулотларга урғу бераётгани биз учун жуда қизиқ эди. Шу боис, Дастуримиз тамойилига кўра, хабарни текшириб кўришга қасд қилиб қўйдик...
Буни қарангки, орадан кўп ўтмасдан жуда яқин инсонларимиздан бирида қанд касаллиги борлигини билиб қолдик. Қонидаги қанд миқдори жуда юқори (15,7 ммол/л), бунинг устига пешобда ҳам ацетон аниқланиб, Эндокринология марказида “диабетли кетоз” ташхиси қўйилган ва зудлик билан жонлантириш бўлимида инсулинли ва инфузионли даволашни бошлаш тавсия қилинган.
Биз шундоқ ҳам шифохонага ётишни истамаётган беморнинг розилигини олгач, Самарқанддаги ўша шифокорнинг рақамларини топиб, у билан боғландик ва ушбу ташхис ҳақида маълум қилиб, сўрадик: “Наҳотки шундай оғир ҳолатда ҳам парҳез билан даволаниш мумкин бўлса?”
Шифокор Алишер аканинг лаҳза ҳам ўйланмасдан, ишонч билан “албатта мумкин” дегани бизга анча далда бўлди. Унинг айтишича, асосий муаммо табиий тоза маҳсулот топа олиш ва парҳезга риоя қилишда экан. Шифокор бизнинг табиий тоза маҳсулотлар билан шуғулланишимизни эшитгач, унда парҳезни уйда ҳам бошласак бўлишини айтди ва парҳез тартибини майдалаб, ипидан игнасигача тушунтирди. Биз бу айтилганларига кўра шу куниёқ парҳез ва рўзани бошладик...
Аммо, тўғриси, ҳали ҳам ишончимиз комил эмас эди. Ахир бу томонда нуфусли муассаса шифокорлари зудлик билан инсулинли даволашни бошлаш зарурлиги айтиб туришибди... Беморга бирон нарса бўлиб қолса сабабчи бўлиб қолмаймизми деган хавотир ичимизни тирнайди...
Шу боис беморимизни Самарқандга боришга кўндирдик, парҳез бўлса ҳам шифокорнинг ҳузурида бўлгани яхши-да... Парҳез бошлаганпмизнинг учинчи куни Булунғурга етиб бориб, беморни Алишер ака бошқараётган “DOCTOR АB” хусусий шифохонасига ётқиздик. Эртаси куни эрталаб қон ва сийдик таҳлили олинди. Натижалар анча жиддий, қондаги қанд миқдори 12 ммол/л, пешобда ҳам салбий аломатлар бор. Аммо, аслиа биз учун бу дастлабки қувонарли кўрсаткич эди — икки ойдан бери 15 ммол/л атрофида бўлиб турган қондаги қанд миқдори уч кунда 3 ммол/л миқдорида камайганди-да ахир.
Умуман, шифохонага бориб тўғри қилган эканмиз — бу ерда парҳездан ташқари беморга ортиқча қанд туфалий юзага келган асоратларга қарши муолажалар ҳам қилинди (Аммо бу муолажалар қандни туширмас экан). Энг муҳими эса, шифокор томонидан қанд касаллиги ҳақида тарқалган маълумотлар замонавий тиббиётнинг сунъий ваҳималаридан бири экани ва тавсия қилинаётган парҳезнинг илмий асоси чиройли тарзда тушунтириб берилгани ҳам беморга анча далда бўлиб, шифо топишига ишончини орттирди.
Хуллас, шифохонада давом эттирилган тўрт кунлик парҳездан кейин, бешинчи куни эрталаб қайта таҳлил олинди. Натижа эса жуда қувонарли эди: қондаги қанд миқдори 9,7 ммол/л, сийдикда эса — 0. Яъни, бир ҳафталик парҳез билан касалликнинг оғир саналган аломатлари бартараф бўлганди! Аллоҳга ҳамдлар бўлсин!
“DOCTOR AB” хусусий шифохонаси бош шифокори, олий тоифали жарроҳ Алишер СОДИҚОВнинг айтишича эса, аслида бунинг ажабланарли жойи йўқ экан: “Танамиз шундай мукаммал яратилганки, агар нотўғри овқатланиб унга халақит бермасак, ҳар қандай касалликни ўзи бартараф қилади!” Айниқса қанд касаллиги, исроиллик таниқли профессор Шамоил Лебеднинг фикрича, тананинг сунъий қувват билан заҳарланиши, яъни нотўғри овқатланиш ҳисобига юзага келган бузилиш экан, холос.
Тафсилотлар 👇
https://telegra.ph/%D2%9AAND-KASALLIGIGA-DORI-KERAK-EHMAS-11-25
Нурбек ТОШНИЁЗ,
журналист
@tabiiy_toza