કેમ અમદાવાદમાં સર્જાઈ એફોર્ડેબલ હાઉસિંગની કટોકટી?

અમદાવાદને એફોર્ડેબલ હાઉસિંગ માર્કેટ કહેવામાં આવતું હતું પરંતુ હવે અમદાવાદ સહિત ગુજરાતમાં એફોર્ડેબલ હાઉસિંગની કટોકટી વધી રહી છે. હાલમાં રિયલ એસ્ટેટ સેક્ટર એફોર્ડેબલ હાઉસિંગની કટોકટીનો સામનો કરી રહ્યું છે. છેલ્લા કેટલાક વર્ષોમાં એફોર્ડેબલ હાઉસિંગમાં સતત ઘટાડો થઈ રહ્યો છે. તેવામાં લોકો માટે ઘર ખરીદવું ગજા બહારનું બની રહ્યું છે. મોંઘવારીએ લોકોની કમર તોડી નાંખી છે તેવામાં એફોર્ડેબલ હાઉસિંગનો ઘટી રહેલા હિસ્સાના કારણે લોકો માટે ઘરનું ઘર ખરીદવું પહોંચની બહાર થઈ રહ્યું છે. તેમાં પણ અમદાવાદમાં આ ઘટાડો ઘણો તીવ્ર છે. 2018માં એફોર્ડેબલ હાઉસિંગનો પુરવઠો 54 ટકા હતો પરંતુ 2024માં આ પુરવઠો ઘટીને 24 ટકા પર આવી ગયો છે એટલે કે લગભગ અડધો થઈ ગયો છે.