كلمات الشاعر صبري بن جوهر ابو حامد
يالله أدعوك ياعالم بظاهر وغابي
اهدني صالح أعمالي ونهج الصحابه
أحمدك عد ما شن المطر من سحابي
وسقي الأرض من بعد الشدد والجدابه
يسر الأمر ونته عالماََ كلما بي
انا دعيتك وانته منك الاستجابه
قال بن جوهر الهاجس تلبي طلابي
هات لخبار موثوقه طلبتك طلابه
هات لبيات ونشرها معي في سنابي
سجل ابيات مكتوبه بخطي كتابه
ماسبب وضعنا الحالي وسبت عذابي
والمواطن بهاذا الوظع سبب عذابه
وين حكامنا خافو ليوم الحسابي
خافو الله كلاََ بايلاقيك حسابه
صححو وظعنا الحالي وسبت خرابي
حاكمو من يريد الوظع يبقا خرابه
حاسبو كل خاين وفتشو له كتابي
مابتنفع مع بعض النذول الطيابه
والدوعش وكل القاعده والذنابي
دمروهم وصفو أرضنا والترابه
وضع سيئ معانا في عدن ياعذابي
والمواطن بعيشه ماهني له وطابه
لو دعينا لكم منذي يلبي خطابي
والمواطن بصوته من يلبي خطابه
شعب طيب ومتجاوز لكل الصعابي
شعب كافح وناظل والعزيمه صلابه
والجزاء كان لازم بايلاقي طيابي
وفرو ياقياده للمواطن طلابه
وفرو الكهربه والعيش له والشرابي
مابيطلب سوا خدمه على الشعب قابه
في عدن ماسمعنا غير صوت الغرابي
يارعود ارعدي وتحرقدي ياسحابه
ومطري سقي الوادي وكل الشعابي
خلي الواد يشرب من علاوي شعابه
طهري كل ارضي من نجوس الكلابي
طهري كلما اوسخته علينا كلابه
فرصت النذل جائت يوم انا في غيابي
وستغلوك ياذيبان ونته بغابه
لاكن الوقت لك قلبه ويوم انقلابي
والزمن مايعيد الوقت لك بالغلابه
آح انا آح منذا الوقت ماكر وعابي
آح من وقتنا وقت النكد والعيابه
لاهنا قال أبو حامد صفا ياحسابي
ونت ياقلبي المجروح خل الكائبه
برد اليوم قلبك من عصير العنابي
وربط الجرح سوه لك دوا ع الاصابه
وختم القول صلو ع النبي ياصاحبي
ديننا دين إسلامي محمد اتا به