تغيير العادات | كيف تحقق تغيير دائم دون ما ترجع لعاداتك القديمة

لكل سيدة تمر بمرحلة انتقالية تثير الشك والتردد لديها، اكتشفي سبب ترددك وما هي الخطوة التي يجب التركيز عليها للتقدم بوضوح من خلال هذه ال6 خطوات لتعزيز ثقتك بنفسك ↓ https://growwithcatala.com/checklist وهي هدية مني تسجيل صوتي قصير يوجهك خلال تمرين التنفس القلبي اذا كنت تبحثين عن زيادة الاستقرار العاطفي، وتحسين القدرة والأداء والتأثير على من حولك بإيجابية https://growwithcatala.com/optin أصعب شي بالتغيير هو اللحظة اللي بنقرر فيها نعمل شي مختلف. لما نقرر نعمل شي جديد، هذا الشي بيكون مش مألوف ومش معروف لجسمنا ولا لدماغنا. باللحظة اللي بنفكر فيها "خليني أبدأ أغير هالسلوك"، "خليني أبطل أعمل هالتصرف"، العقل أو الدماغ والجسم بيشتغلوا ضدنا. مهم نعرف إنه لما ناخد قرار نغير، لازم نكون مستعدين لجبهة داخلية رح تشتغل عكسنا. هاي الجبهة رح تحاول تخلينا نضل زي ما إحنا، لأنه بالأخير جسمنا مصمم بطريقة تخلّينا بأمان، تخلّينا بالأنماط اللي متعودين عليها. بالنسبة لجسمنا، هاد هو الأساس، هاد هو الأمان، فهو بده يحمينا. ولما نيجي نغير، رح يعمل كل اللي بيقدر عليه عشان يخلينا متل ما إحنا، رح يبدأ يعطينا ذكريات، رح يبعتلنا مواقف وأفكار عشان تخلينا زي ما إحنا، متل "متذكرة لما صار هيك؟"، "شفتي شو صار فيكي لما حاولتي تغيري؟"، "بتعرفي إنه اليوم من حقك ترتاحي". وبتبدأ كل هاي الأفكار وهاي الأصوات تخلينا قاعدين بمحلنا. مهم نعرف إنه لما يعلى الصوت الداخلي ويصير ضدنا، هذا معناه إنه إحنا بدأنا برحلة التغيير. ومهم هون نكون واعيين إنه إحنا قادرين، رغم هاي الجبهة الداخلية، نضل مستمرين. للأسف، معظم الناس لما ياخدوا قرار إنهم بدهم يغيروا تصرف أو سلوك، ولما تبدأ هاي الجبهة الداخلية، ولأنهم ما بيكونوا بيعرفوا، بيضلوا زي ما هم لما يعلى الصوت الداخلي. هاد الحديث بداخلنا اللي بيخلينا نتذكر ليش إحنا ما منقدر نتغير، بيخلينا نحس إنه اللي إحنا فيه مريح وممتاز وما في داعي نغير، فبنصدقه وبنضل متل ما إحنا. عشان هيك، المعلومات اللي بدي أشاركها بهاد الفيديو كتير مهمة، إنه نكون عارفين إنه هاي الجبهة الداخلية طبيعي تتفعل. عشان هيك بيقولوا التغيير هو تجاوز منطقة الراحة، لأنه فعلًا لما نيجي بدنا نغير، بدنا نواجه هاي الجبهة الداخلية، بدنا نعرف إنه حتى الحديث الداخلي هو عبارة عن برمجة بدها تخلينا بمكاننا. من الطبيعي جسمنا ودماغنا يحاولوا يخلونا متل ما إحنا، لأنه هيك الإنسان مصمم، هيك هاد الجهاز مصمم إنه يضل ماشي على الوضع الآلي، على المألوف، على المعروف، وأي تغيير عن المألوف هو خطر، فبالتالي بده يعمل كل اللي بيقدر عليه عشان يخلينا على اللي احنا عليه. بس لما نكون عارفين هاي المعلومة ولما ناخد قرار نغير، بدنا نكون مستعدين، بدنا نطمئن أنفسنا وبدنا نتحدى الصوت الداخلي ونكون عارفين إنه هو جاي عشان يخلينا نتواصل مع أنفسنا ونتذكر أصلًا ليش مهم نعمل التغيير. هاد المكان بداخلنا اللي بيكون واعي وعارف إنه في جبهة رح تقوم، بيبدأ ياخد خطوات صغيرة من تحدي للصوت ومن تطمين للجسم والنفس، "إني أنا بأمان"، ويبدأ ياخد خطوات على قده فيها تغيير ولكن مش تغيير كبير اللي تخليني أرجع زي ما كنت، هون أنا بقدر أتقدم. تابعني على صفحاتي للمزيد! www.sanajoudeh.com www.facebook.com/sana.joudeh www.instagram.com/sanajoudehcoach www.linkedin.com/in/sanajoudeh #تطوير_الذات #التغيير_الشخصي #التغيير_من_الداخل