كلمات رائعه للشاعر سمو الشيخ حمدان بن راشد ال مكتوم .. فزااااع
اكشف سنا خدك ونوّر به الليل ... وغط بظلام الليل خصر(ن) معزّل
وابسم بثغر(ن) نسمته نفحة الهيل... فيه البرد من ردم سحبه منزّل
لون اللهب في وجنتك ويل والويل ... يامن حرقني قمت فيك اتغزّل
نعس العيون اللي هدبها مظاليل ... اموت فيها وارتعد واتزلزل
دايم من ارهاف الشفايف مباليل ... ترياق سم الشوق منها تبزّل
جسم(ن) حرير بنفحة الناسم يميل ... تجاوبه الاطراف لا منه تخزّل
ماخذ من الاعجاب جمله وتفصيل ... واحلف بربي والكتاب المنزّل
ياغايتي ومناي وكل المحاصيل ... قلبي علشانك من الغيد عَزّل
جيتك على غفله ووقعت ف محابيل ... واربتني يوم اكثر الناس عِزّل
والوصل منك نبت زهر الاكاليل ... من يتك مفروش وتناثر على الزّل
اهواك وامشيلك بعطف(ن) وتبجيل ... ولا لغيرك لا حشا ما تنزّل
مادام خدك صبح شارق بعد ليل ... طالبك تحرق لاجل فيك اتغزّل
كلمات اروع من الرائعه للشاعر الشيخ حمدان .. فقط على Cr4zykhana