الصفحة التانية من سورة ق بادئة بداية عجيبة
كلمتكم عن سطوة القرآن
كيف أن خطاب القرآن كأنه من علٍ يحيط بالنفس البشرية؟ النفس ما تعرفش تفلفص منه، لذلك ربنا بيقول إيه؟
"وَلَقَدْ صَرَّفْنَا" الكهف:54، في حالة من التصريف
الخطاب القرآني إنه يحيط بالنفس البشرية
تخيل إن واحد منكر للبعث بيقدم خطاب إعلامي تعجبي ساخر من قضية البعث
تخيل الآيات دي بتقول له إيه؟
الله يعلم ما يدور في صدرك
وما تتكلم من كلمة إلا والله يعلمها
الواحد ممكن يقول إيه؟ إيه ده؟
تخيل لو انت بتكلم واحد مثلاً ملحد
واحد يقول لك لا لا ما تقولوش كده، أصل هو مش هيصدق الكلام ده
دع هذا الخطاب ينفذ إلى أعماق قلبه
القرآن -ركزوا معي في النقطة دي- بيضغط على نقاط الضعف عند الإنسان، حتى لو هو بينكرها ظاهرياً
لكن الفطرة بداخله تصرخ عند الضعف
لذلك القرآن يقول له إيه؟ هتعمل إيه في المرض؟
هتعمل إيه لما تكون في نص البحر
القرآن بينزع الإنسان من مواطن قوته ويريه مواطن ضعفه ويقول له أنت تحتاج إلى الله في مواطن ضعفك
عند موتك، عند البعث، عند مرضك، عند حاجتك إلى الله ولن ينفعك أحد، زي في منتصف البحر
فالقرآن بيوقظ الفطرة مرةً أخرى، فتخيل القرآن بيخاطب شخص معاند، احنا بنقول القرآن هنا في سورة ق معاند طاغية متكبر عنيد مريب، فيه لبس، بيقدم خطاب إعلامي كمان طاعن
والقرآن يقول له إيه؟ "وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ"
💦تخيل انت قرأت الصفحة الأولانية من سورة ق "ق ۚ وَالْقُرْآنِ الْمَجِيدِ" وخلصت وبعد كده "كَذَّبَتْ قَبْلَهُمْ" بعد كده "أَفَعَيِينَا بِالْخَلْقِ الْأَوَّلِ ۚ بَلْ هُمْ فِي لَبْسٍ مِّنْ خَلْقٍ جَدِيدٍ"
تخيل لو انت بتقلب الصفحة وما قريتش الصفحة دي خالص من أول "وَلَقَدْ خَلَقْنَا الْإِنسَانَ وَنَعْلَمُ" لغاية ما يخشوا النار ويخشوا الجنة وبعد كده كملت بقية السورة، انت ممكن تحس إن الصفحة دي ممكن تتشال عادي جداً
يعني انت ممكن تشعر إن السياق مكمل
هذا السياق اللي هو ده حلقة النهاردة هو نزع لهذا المتكبر العنيد، لأن دايماً يا جماعة الإنسان في زحمة الطغيان ومع المجموع بيشعر بحالة من الكبر ومنع الوعظ لذلك ربنا بيقول لهم إيه؟ "قُلْ إِنَّمَا أَعِظُكُمْ بِوَاحِدَةٍ أَنْ تَقُومُوا لِلَّهِ مَثْنَى وَفُرَادَى" سبأ:46، القرآن بيعمل ده، إنه بياخده لوحده، يقول له تخيل مشهدك وانت دلوقتي هتسير في حلقات البعث خطوة بخطوة إلى أن يا إما تلقى في جهنم أو لو أسلمت وتبت تدخل الجنة.
"وَلَقَدْ خَلَقْنَا الْإِنسَانَ"، عايزك تستحضر، الآيات دي بتكلم واحد قاعد بيطعن في الدين وبيقدم خطاب ويتريق على البعث وبيتريق على الدين، فييجي حد جنبه يقول له إيه؟ "وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ * إِذْ يَتَلَقَّى الْمُتَلَقِّيَانِ" انت قاعد بتوسوس وتخطط في صدرك، وبعد كده الكلام بيبدأ يطلع على لسانك وتقول، فيه ناس وظيفتها فقط يَتَلَقَّى الْمُتَلَقِّيَانِ، أصلاً إن القرآن يجيب التعبير ده وراء بعضه ده مقصود لأنه في نطقه صعب، يَتَلَقَّى الْمُتَلَقِّيَانِ، التلقي ده واحد قاعد جاهز، عشان كده قال قعيد هو دي وظيفته قاعد لها فقط، وبصيغة المبالغة "إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ * مَّا يَلْفِظُ -ما هو أكيد هيقول كلام- مِن قَوْلٍ إِلَّا لَدَيْهِ رَقِيبٌ عَتِيدٌ"، الأقوال مذكورة كتير في سورة ق، وحتى اسم السورة ق فيها القول وفيها "فَاصْبِرْ عَلَىٰ مَا يَقُولُونَ"، وواضح إن أقوال المشركين أثرت في نفوس المسلمين، فكان لابد من خطابٍ قرآنيٍ قوي لدفع الخطاب الإعلامي الكافر، واحنا لازم نتعلم ده في الدعوة، إن لما يكون فيه خطاب إعلامي قوي بيطعن في ثوابت الدين لا بد أن ينتفض الدعاة ويقدموا خطاب قوي زي ما هنا في سورة ق، الخطاب بينزع الإنسان من غفلته، وينزع الغطاء "فَكَشَفْنَا عَنكَ غِطَاءَكَ".
"مَّا يَلْفِظُ مِن قَوْلٍ"، حصار للنفس، شوف السورة بتحاصره، بتقول له نفسك محاصرة، الأقوام اللي قبل كده كانوا محاصرين، جثتك لما بتموت وتتحط في الأرض كل جزئية بتتشال منها انت محاصر، يعني شوف الرقابة، انت عارف أنا بحس إن سورة ق عملت إيه؟ مجموعة من الكفار قاعدين بيخططوا؛ احنا نطعن في الدار الآخرة إزاي؟ احنا نعمل كذا، البرنامج انت هتطلع تقول كذا في البرنامج، وفجأة الكشافات تتفتح عليهم؟ سورة ق فتحت الكشافات عليهم واتفضحوا، ويتقال له انت مراقب، صدرك مراقب، أقوالك مراقبة، وساوسك خواطرك مراقبة، لما هتموت وكل جزئية بتتاخد منك "قَدْ عَلِمْنَا مَا تَنقُصُ الْأَرْضُ مِنْهُمْ" رقابة، جو من الحصار. القرآن اللي قامت به سورة ق.
ليصلك الجديد اضغط على اشتراك أو Subscribe التى بالقناة
وعلامة التنبيه (🔔) وادعمنا ☑️ بالإعجاب والتعليق والمشاركة
=| 02 وقفات مع #سورة_ق | برنامج #آيات_تتلى | د #أحمد_عبدالمنعم
=|
=| للتحميل والمشاهدة بوسائط مُتعددة ( جودات أخرى ) على موقعنا :-
https://way2allah.com/khotab-item-188416.htm
=| تابعونا 👇 :
● شبكة الطريق إلى الله : https://www.way2allah.com
● منتدى الطريق إلى الله : https://forums.way2allah.com/
● الصفحة الرسمية لشبكة الطريق إلى الله : https://www.facebook.com/Way2allahCom
● الصفحة الرسمية الجديدة : https://www.facebook.com/Way2Allah.Fb/
● ساوند كلاود : https://soundcloud.com/way2allahcom/
● تويتر : https://twitter.com/way2allahcom
● انستجرام : https://www.instagram.com/way2allahcom/
● تليجرام : https://t.me/way2allahcom
● صفحة الطفل المسلم : https://www.facebook.com/bebe.musulman/
● صفحة غرفة الهداية الدعوية : https://www.facebook.com/Alhedaya.Room/
" ولا تنسونا من صالح دعائكم عن ظهر غيب "
#شبكة_الطريق_الى_الله #way2allah