في أواخر سنة 938.. أبو الحسن العروضي.. معلم الخليفة الراضي راح يزوره.. فعدى على منطقة في العراق بيحكمها والي تركي.. اسمه بجكم.. و كان يوم عيد عندهم من أعياد الفرس القديمة.. فلقى مهرجان و هيصة و الناس بتحتفل و تنبسط و بتاع.. بشكل ماشافهوش قبل كده في حياته..
.. فلما وصل للخليفة الراضي بالله.. لقاه قاعد مهموم.. و لقاه ماسك دينار دهب من اللي صكهم بجكم.. الوالي التركي.. الدينار كان عليه صورة بجكم بسلاحه.. و مكتوب عليه:
إنما العز فأعلم..
للأمِير المعظم ..
لسيد الناس بجكم ..
.. فقال الراضي لأبي الحسن:." أما ترى صنع هذا الإِنسان، وما تسمو إليه همته، وما تحدثه به نفسه؟ "
طب هو الخليفة كان مهموم ليه؟ حس بقلق.. المفروض الوالي ده شغال عنده!.. يقوم يصك عملة يحط عليها صورته و يمجد في نفسه؟ ده كده يتخاف منه لأنه أكيد طامع في الخلافة نفسها.. .
فأبو الحسن قعد يواسي الراضي و يحكيله عن ازاي الحكام على مدار التاريخ كانوا بيلاقوا ناس من أتباعهم بيصارعوهم على السلطة.. بس بالسياسة و العقل بيقدروا يسيطروا على مقاليد الأمور تاني.. بس ده قلق الراضي أكتر.. انت بتفول في وشي يا عم؟! فابو الحسن قال ما بدهاش بقى.. نلجأ للهئ و المئ و أمرنا لله.. فقال له ما يمنع أمير المؤمنين أن يكون كالمأمون في هذا الوقت؟، حيث يقول: صل الندمان يوم المهرجان * بصاف من معتقة الدنان.. بكأس خسرواني عتيق * فإن العيد عيد خسرواني.. وجنبني الزبيبيين طرا * فشأن ذوي الزبيب خلاف شأني.. فأشربها وأزعمها حراما * وأرجو عفو رب ذي امتنان.. ويشربها ويزعمها حلالا * وتلك على الشقي خطيئتان.. فطرب و انشرح كده و قال: صدقت، ترك الفرح في مثل هذا اليوم عجز.. وأمر بإحضار الجلساء و الندماء و المغنيين و أقام الاحتفالات.. الاحتفالات اللي كانت كأنها حفل تأبين.. لدولة العباسية..
للدعم على Patreon :
https://www.patreon.com/ahmedbehiry
اشترك في القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://facebook.com/ahmed.behiry.the.page
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ
المصادر:
-Arabs: A 3,000-Year History of Peoples, Tribes and Empires
https://amzn.to/3gzMdvy
-The Arabs: A History – Revised and Updated Edition
https://amzn.to/3aUBD0M
-Understanding Arabs, 6th Edition: A Contemporary Guide to Arab Society
https://amzn.to/3hrIIIM