المصريين زمان كانوا بيقولوا اضحك تضحك لك الدنيا..يمكن اللي قال الكلمة دي واللي اقتنع بيها كان يقصد.. إن رغم ظروفك الصعبة وحالتك المعيشية.. خليك دايما متفائل ببكرة احسن وتأقلم مع حالك وارضى بيه.. عشان يبقى عندك الرغبة والطاقة انك تسعى لتحسينه او تغييره.. كل ده كلام جميل وموضوعي ..واللي بيؤمن بيه بصدق بيبقى شخص إيجابي وسوي ..ومبيعملش حاجة غير منطقية أو شاذة..لكن الشذوذ الحقيقي عن الفطرة هو الضحكة اللي بالأمر..هو إن قوة أعلى منك تجبرك انك تضحك..توهمك إن مشاكلك ويأسك واحباطاتك حلها انك " تبان" بتضحك..تظهر وكأنك مبسوط وراضي.. القوة اللي مش عايشة تجاربك ومعاناتك ..اللي بتتطوع هي بالنيابة عن الأسباب الحقيقية للضحك بأنها تظهرك مبتسم وسعيد..القوة اللي بكل بجاحة بتتكلم باسمك .. وتروج طول الوقت إن مصر بتفرح..الشعب فرحان بالإنجازات..الشعب بات ليلته سعيد بمرور موكب لجثث..الشعب المصري ده دمه خفيف وابن نكتة..وبيتسابقوا في إظهار صور لمشرد أو فقير حالتهم صعبة ..ومظهرهم بيحكي حكاية بؤس وشقى واحباطات ملهاش آخر..لكن الوش المجهد التعبان ده بيصوروه بيضحك..ويزينوا الصور بكلام من نوعية بنضحك رغم الظروف_ اللي هما السبب فيها ..مبتسمين رغم الالم _ اللي هما برضه اتسببوا فيه.. ترويج مستمر لعبثية الضحك اللي من غير سبب.. لتحسين وتجميل صورة ماتضحكش اساسا ..المهم انك تضحك ..تضحك عشان تجامل وتمشي حالك ..تضحك عشان تتجمل وتداري معاناتك..تضحك عشان تنافق أو تنول الرضا..المهم انك تضحك..بالغصب تضحك .. بالأمر تضحك .. اضحك مش عشان حاسين بيك أو بنسعى نفرحك.. اضحك بس ..عشان الصورة تطلع حلوة..
للدعم على Patreon :
https://www.patreon.com/ahmedbehiry
شاهد الفيلم في القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://www.facebook.com/GhasilMokh
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ