مع الشرهان ح 115 سالفة وقصيدة الشاعر سويلم العلي السهلي رحمه الله " رحيل البدو "

#مع_الشرهان #سالفة #قصيدة قال الشاعر ناصر السياري مرثية بعد وفاة الشاعر سويلم العلي ((مرحوم ياللي مات مفقود الاطراف)) الشاعر سويلم العلي السهلي عاش في منطقة الشمال ما بين القصيم وحائل توفي رحمه الله عام 1406هـ بالرياض يقول الشاعر سويلم العلي السهلي في احدى قصائدة عن رحيل البدو وتنقلاتهم البدو شالوا قربوا كل مطواع للشيل ما أحلى جمعته واجتماعه شالوا وخلوهن مع الدرب قطاع والجو صار خلي قفر ارباعه عقب النزول وعقب روجات الأقطاع اليوم ذيبه لاعه البين لاعه واقلبي اللي مع ظعين الظعن ضاع ادوره وانا البخيص بمضاعه اقفا عليه من المخاليق طماع استملكه لا قال له قولا طاعه غرو غزير الزين بخدوده انواع الموت بان في جبينه شراعه أصفر عفر خده تقل فيه شعشاع تذهيل تنويش يتشاعل شعاعه وذوايبه من فوق الارداف شراع ثلاثة اذرع قاسهن في ذراعه ونواهد مالسها كل رضاع ولا قالوا العيل تعايل رضاعه هاض الغرام وهيضه بارق فاع بجنح الدجى ما احلى رفيف ارتفاعه برق بغرا قنوف الامزان لماع دوبه الى ما ناض بين شعاعه جعله على مدهال نقاش الاصباع يسقي مجاري صلب خده وقاعه حيث ان به للبدو مشتى ومرباع نقيض والمصياف شلخ تلاعه ----------------------------------------------- قصة طريفة حصلت ما بين سويلم العلي مع ابن عمة الراوي الكبير رديني بن عبد الكريم السهلي عند مرور نساء عليهم والشارع كان ضيق قال رديني : لسويلم يا ابن الحلال وخر عن الحريم ورد علية سويلم بأبيات فيها نوع من الغزل العفيف يا ابن الحلال عقوبة عاقبتنا ما تودع الرجال يبخص طريقه عفرا على درب مضيق حدتنا الدرب ضيق وعرضتنا مضيقة بعيونها السود الوساع هبلتنا عبثه تجي بين الرفيق ورفيقه ---------------------------------------------- قصيدة للشاعر محمد بن سليمان المحسن والملقب بـ الدرم يا صرم قلبي من الفرقا وطول الهجر صرماه كما تصرم نبانيب الهشيم البالياتي في وادي ماخذ تسعين عام السيل ما جاه على جنابه كثيب الرمل كن مزعلاتي ولا والله اللي تهشم حجر عيني وانتثر ماه من كثر ما ابكي على راع الثمان المرهفاتي لا جيت فالشارع اللي يدهله خلي وياطاه يا كثر لثة قدم رجلي ويا كثر التفاتي مغير اسوق القدم ولا يطاوعني بممشاه كنه يجر الحديد اللي حلاقه مبهماتي الحب يخلف سليم العقل الين يضيع ارياه يجلب عليه الروابع لين يعذر فالحياتي والله ما لي جدا إلا كل ما قمت اتمناه واقنب قنيب اشهب الذرعان فيام الاشاتي خليتني يا وزين الروح مثل مقيط ورشاه تقطعت بي حبال الوارده والصادراتي واصبر على شري الخافي واغط العلم وأكناه من قل ما في يدي والناس تفرح بالشماتي والله ما خبر الرفيق اللي يعرف الحال ونصاه الا أبو سلطان عاداته يحوش الطايلاتي واشكي على اللي يحوش المدح والطول بيمناه ولد سعود الكبير اللي يطوع كل عاتي