Піл оқиғасы
Әбдімүтәліптің кезінде Қабаштың Абраха атты патшасы Йеменді басып алып, Меккеге әскер төкті. Қалың әскер қағбаға жақындағанда алдынан қара бұлттай қаптаған құстар шықты. Олар көктің жүзін лезде жауып кетті. Тұмсықтарына тас тістеп аспаннан ата бастады. Тастың тиген жері денені күйдіріп тіліп өтті. Қару асынған қалың қол көзді ашып-жұмғанша қырылып қалды. Бұл оқиға елдің есінде «Піл оқиғасы» деген атпен қалды. Құранда осыған орай «Піл» сүресі түскен.