وسط السواد اللي عايشين فيه و البلد اللي سيادة الريس حابسها في إزازة و ساددها بفلة.. و بعدين حابس الإزازة في مصلحته هو شخصيا و ساددها بفلة تانية..
وسط المناخ المغشلق ده.. نلاقيلك بصيص نور ظاهر في آخر النفق..
عادة في المواقف دي الناس الطبيعي انها تفرح.. لكن عندنا احنا الوضع مختلف تماما..
الناس بدل ما يفرحوا.. لأ.. يختلفوا مابينهم و يقعدوا يتخانقوا.. هو ده بصيص نور؟.. ولا قطر جاي علينا من آخر النفق و هايدوسنا؟
ماهو معلهش يعني احنا شفنا خوازيق كتير و اللي اتلسع م الشوربة طبيعي ينفخ في الزبادي..
يطلع علينا أحمد طنطاوي.. في شهر مارس اللي فات و يعلن عن موعد رجوعه لمصر من لبنان يوم ٦ مايو.. اللي هو أول امبارح.. عشان يقدم بديل مدني ديمقراطي في مصر.. كمرشح في انتخابات الرئاسة اللي المفروض يعني انها هاتكون السنة الجاية..
فالناس كتير جدا منهم يتحسس مسدسه.. و تلاقي الناس ماشيين في الشوارع على روسهم علامات استفهام طايرة في الهوا كده..
الرفاق حائرون.. يتسائلون.. في جنون..
هل هي مسرحية؟
هل هو ملعوب؟
هل طنطاوي هو قيس سعيد المصري؟
ثم هو مين طنطاوي ده عشان يحكم بلد بحجم مصر ماقدرش عليها كل دكاترة الريجيم و الأعشاب ولا صحتها تستحمل عمليات تكميم؟
و بعدين هل هايكون فيه انتخابات أصلا؟
و هل ينفع حد يترشح أصلا؟
للدعم على Patreon :
https://www.patreon.com/ahmedbehiry
اشترك في القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://www.facebook.com/أحمد-بحيري-Ahmed-Behiry-109415711865636
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ
المصادر:
- أعلم أهل الأرض
http://www.قooقle.com