{الحراق}(143) الواد كان عنده حق! Guillermo del Toro's Pinocchio

معانا النهاردة فيلم.. قصته نفسها.. مش جديدة.. اتعملت مليون مرة قبل كده.. و يمكن أشهرهم الفيلم بتاع ديزني.. في الفترة العجيبة اللي كان ديزني بيعمل فيها أفلام للأطفال تجيبلهم اكتئاب.. ماتفهمش كانوا قاصدينها و لا جهل و غشومية ولا ايه.. لمهم الدنيا ماظبطتش معاهم الا لما اشتروا بيكسار.. اللي كان عندهم الوصفة السحرية لعمل فيلم للأسرة كلها يكون مؤثر.. و لطيف.. و مايجيبش اكتئاب..
بس تجربة النهاردة بقى.. مختلفة تماما عن كل التجارب اللي فاتت.. معالجة جادة و عميقة لقصة بينوكيو.. معالجة مؤثرة و تلمس القلب.. و تبكيك بجد..
عن عروسة صغيرة.. بتحارب الاستبداد و الفاشية..
عن طفل شقي.. و أجمل حاجة فيه هايغير بيها كل اللي حواليه.. انه مابيسمعش الكلام..
لأنه هايفضح نفاق الفاشيين و المستبدين.. بانه بس يكون على طبيعته.. و يبقى بالرغم من انه عروسة.. هو الوحيد اللي حر بجد.. بينما كل البشر اللي حواليه عبيد للدولة و هي اللي بتحركهم زي العرايس..
في كل الإصدارات اللي اتعملت للقصة دي.. كان دايما الرسالة هي انك عشان تبقى انسان كويس.. لازم تكون مطيع و بتسمع الكلام.. المرة دي لأ.. رسالة فيلمنا النهاردة انك مش هاتكون إنسان كويس بجد.. الا لما تبطل تسمع الكلام.. و تبقى نفسك و بس..
و انك عشان تكون إنسان حقيقي.. مش لازم تكون من لحم و دم.. كفاية بس انك تتصرف كإنسان.. حقيقي..

للدعم على Patreon :
https://www.patreon.com/ahmedbehiry

اشترك في القناة الرسمية على تليجرام:
https://t.me/ABehiry

الصفحة الرسمية لاحمد بحيري علي الفيسبوك
https://www.facebook.com/أحمد-بحيري-Ahmed-Behiry-109415711865636

الصفحة الرسمية علي تويتر
https://twitter.com/ahmedbehiry

اشترك في القناة لمتابعة الحلقات الجديدة
http://goo.gl/2KheJZ

المصادر:

- أعلم أهل الأرض
http://www.قooقle.com