قصيدة: قائد الجيش الإلهي 1445 هـ
🎙 أداء وألحان: الرادود حيدر البياتي النجفي
✍️ كلمات: الشاعر مصطفى العيساوي
🎼 تنفيذ: مجموعة ميامين
📍 المكان: البصرة - الفاو، مجلس عزاء حسينية أم الحسن
🌍 ترجمة النصوص: أماني داوود
🎼 كلمات القصيدة:
00:00 عباس .. قائد الجيش الإلهي
عباس .. مالفت غيره انتباهي
حيدر من حيدر .. عالقادة تصدر
واحد بس عسكر .. قائد الجيش الإلهي
———————
01:41 سُبحان السواه .. بكل موقف نلگاه
صاح الطف الله .. عينك أحله من السيف
ياجنه من آحساس .. سولفتك للناس
جنني العباس .. واقع اجمل من طيف
02:20 ضوه للظلام، هوه للخيام، خلص الكلام، يم الكمر
گمر بسماه، نزل بضماه، صاح الفرات، انته النهر
هوّه الثبات، هوَّ الحياه، هوَّ القضاء، هوَّ القدر
بيده
03:04 يا ناس .. ماكو انسان بجماله
يا ناس .. الجنه غارت من خياله
روحي العاشكته .. تحجي بسالفته
بالطف مرتبته .. قائد الجيش الإلهي
———————
4:31 يا عين الزهراء .. اسمك سر الماء
عين ولام وياء .. حرزك چان بعاشور
يا ابن القران .. يا خاتم سليمان
يالجودك طوفان .. ونفاسك نفخة صور
05:18 قمر الطفوف، والكل يشوف، عدد الألوف، يمك صفر
شهم وشجاع، امرك مطاع، قلمك حسام، دمهم حبر
هله بالكفيل، هله بالاصيل، هله باليكول، كعبه الخدر
عندي
06:00 انفاس .. انته للخوه الاصيله
انفاس .. للمخيم والعقيله
ما تعطش روحه .. غيمه وشيلوحه
كاتب إطروحه .. قائد الجيش الإلهي
———————
7:15 خطواتك قانون .. بكل خطوه يرجفون
من تحچي يسكتون .. هيبه وغير انته الشيخ
ياجنه ويا نار .. خزراتك إنذار
عينك من تندار .. يرجف حتى التاريخ
08:14 بطل النزال، اسد القتال، عندك محال، تخسر حرب
رجف الفرات، حس بالممات، يدري الاجاه، فارس صعب
ملك الطفوف، ملك السيوف، ملك الرجال، ما ينغلب
سيفك
08:54 ينقاس .. سيفك بفقار ابو تراب
ينقاس .. جفك بجف قالع الباب
عن سيفك راضي .. الحاضر والماضي
مرتبتك قاضي .. قائد الجيش الإلهي
———————
10:10 يا بيرغ ما طاح .. قباض الأرواح
ملك الموت ارتاح .. ماخذ دوره العباس
موت احمر يمناك .. والكوثر يسراك
يمشي الخير وياك .. من تمشي بين الناس
10:55 نَفَس الحسين، ابو ريشتين، اسمك جبير، يا ابالفضل
چان اللواء، في كربلاء، بلغة الخيام، همزة وصل
علي من يصول، علي من يجول، علي من يكول، كول وفعل
حيدر
12:06 عالراس .. رايتك تمشي ويه ريحك
عالراس .. خوذتك گبه ضريحك
يالمنطي حجايه .. مخلوق الغايه
كاتب عالرايه .. قائد الجيش الإلهي
———————
13:20 ضل عايش ما مات .. والرايد إثبات
تكضيها الحاجات .. لو دك بابك محتاج
يالتنطي بجفين .. منطيهن لحسين
شفناهن بالعين .. ملبس خدامك تاج
14:11 اليجي للضريح، يمك يصيح، عندك دخيل، يابو الوفه
يمك اجيت، بيك انتخيت، وادري اليجيك، بيك اكتفه
انته القريب، انته الحبيب، انته الطبيب، وانته الشفه
ابو فاضل
14:51 ينباس .. جفك وجف اليزورك
ينباس .. ترابك البي اثر نورك
شفته بوجداني .. فارس رباني
من عالَم ثاني .. قائد الجيش الإلهي
🔔 أعزائي الأحباء، اشتراككم في قناتنا دعم دائم لنا لخدمة محمد وآل محمد عليهم السلام.
لا تنسوا تفعيل زر الجرس ليصلكم كل جديد. شكراً لدعمكم! ❤️
🔗 تابعوا الرادود حيدر البياتي النجفي على الحسابات الرسمية:
YouTube: http://youtube.com/haidaralbaiaty
Facebook: https://www.facebook.com/haydaalbaiaty
Instagram: http://www.instagram.com/Haidar_albaiaty
Twitter: http://www.twitter.com/Haydar_albaiaty
TikTok: https://www.tiktok.com/@haidar_albaiaty
Telegram: http://www.telegram.me/Haideralbaiaty
#حيدر_البياتي #حيدر_البياتي_النجفي #لطميات_عراقية #عزاء_حسيني #عزاء
#العراق #النجف #النجفي #قائد_الجيش_الإلهي