هزيمة العرب في 48 كانت بسبب الأسلحة الفاسدة.. والملك فاروق كان نسوانجي ، وبيشرب كل يوم عصير حمام على الريق ..
عيسى العوام كان جندي مسيحي ، وصلاح الدين خد بريك من الحرب ، وراح بشنطة اسعافاته ، يعالج ريتشارد قلب الأسد .. أحمد عرابي راح للخديوي توفيق قصره ، وقال له اسمع ياض يا توفيق ، لقد خلقنا الله أحراراً ولن نستعبد بعد اليوم..
سيول من الأكاذيب اللي اتحشت بيها دماغ الناس ، وتاريخ طويل من الزيف ، وأساطير استقرت في العقول ، بقت هي المتحكم في الحاضر..
وأصبح التخلص منها ، مش بس صعب على الناس ، ده صعب على أي حد يواجهها ، أو يحاول يحلل ويبحث ويفند .. الحقيقة بتبقى ساعات زي شبح في خيال الإنسان ، يخاف يقرب منه ، وهو راضي بالجهل المريح ، وعدم استعداده لبذل مجهود ، أو لدفع تمن البحث فعلا عن الحقيقة ..
الأكاذيب مش شرط تكون تاريخية بس.. ممكن تبقى إنسانية ، اجتماعية، سياسية ، بيتحول معاها البشر ، لمجتمعات بتبضش ، رؤيتها ضعيفة ، اختياراتها محدودة ، لأنها مجموعة اختيارات اتفرضت عليهم اصلا ، وكلها متلونة بلونين بس ..يا أبيض يا أسود..
فيلمنا النهاردة "برا المنهج" ، بطله طفل قرر يواجه خوفه وضعفه ، ويكتشف نفسه أثناء ما هو بيكشف سر بيت مهجور ، بيسكنه شبح ، خايف منه الكبير والصغير
فيلم بيحاول يطرح سؤال .. هو لو اتربينا ونشأنا على الكدب ، هنقدر في يوم نواجه الحقيقة ؟ وهل وسط التناقض اللي موجود في حياتنا ، ما بين الحقيقة والخيال ، نقدر نكتشف حقايق تانية.. موجودة.. بس برا المنهج ؟
للدعم على Patreon :
https://www.patreon.com/ahmedbehiry
اشترك في القناة الرسمية على تليجرام:
https://t.me/ABehiry
الصفحة الرسمية لاحمد بحيري علي الفيسبوك
https://www.facebook.com/أحمد-بحيري-Ahmed-Behiry-109415711865636
الصفحة الرسمية علي تويتر
https://twitter.com/ahmedbehiry
اشترك في القناة لمتابعة الحلقات الجديدة
http://goo.gl/2KheJZ
المصادر:
- أعلم أهل الأرض
http://www.قooقle.com